SHBA-ja ka anuluar Samitin e Grupit të Shtatë (G7), që fillimisht ishte planifikuar të zhvillohej në Camp David në qershor, për shkak të pandemisë së koronavirusit, dhe e zëvendësoi takimin personal të liderëve botërorë me një video-konferencë.
“Në mënyrë që secili vend t’i përqendrojë të gjitha burimet e tij në përgjigjen ndaj sfidave shëndetësore dhe ekonomike të COVID-19 dhe në drejtimin e Presidentit Trump”, Samiti i Udhëheqësve të G7 do të bëhet me anë të telekonferences”, faqja e lajmeve The Hill citoi Zëvendës Sekretarin e Shtypit të Shtëpisë së Bardhë Judd Deere të thoshte në një deklaratë në të enjten.
“Shtëpia e Bardhë gjithashtu informoi anëtarët e tjerë të G7 se për të vazhduar koordinimin e ngushtë, Presidenti do të thërrasë ‘Liderët’ përmes telekonferencës me video në prill dhe maj ashtu sic bëri këtë javë,” shtoi ai.
Drejtuesit e G7 mbajtën një videokonferencë në fillim të kësaj jave dhe u zotuan të “përdorin të gjitha mjetet e politikave” për të pakësuar ndikimin ekonomik të pandemisë.
Të gjithë anëtarët e G7 janë përballur me përhapjen e COVID-19.
Italia, më e prekura, raportoi 427 vdekje të reja të enjten, duke rritur numrin e vdekjeve në 3.405, madje më të lartë se vdekjet në territorin e Kinës, ku virusi u shfaq dhjetorin e kaluar.
Trump dhe udhëheqësit e tjerë ranë dakord të bëjnë “gjithçka që duhet” për të luftuar koronavirusin nga një këndvështrim shëndetësor, si dhe efektet e tij ekonomike, tha këshilltari i lartë ekonomik Larry Kudlow.
G7-ta përbëhet nga: Britania, Kanadaja, Franca, Gjermania, Italia, Japonia dhe Shtetet e Bashkuara. Të gjitha këto shtete po luftojnë për frenimin e pandemisë. SHBA-ja mban udhëheqjen e G7-ës gjatë vitit 2020.
Përkthyer dhe përshtatur nga CNN/ konica.al
VAZHDO TË LEXOSH MË TEPËR PËR TEMËN
Evropa nuk duhet ta tolerojë më Trumpin…
Evropa s’po vendos: ‘Luftë’ apo partneritet me Kinën?
G7, pse Kina nuk është anëtare dhe pse Rusia u largua?
