Presidenti Trump nënshkroi stimulin ekonomik rekord prej 2 trilion dollarësh CARES të premten. Stimuli ka për qëllim ringjalljen e ekonomisë amerikane që është bllokuar nga pandemia globale e koronavirusit.
Por kush janë sektorët që do të përfitojnë më shumë, dhe në ç’mënyrë?
Analistët e Business Insider tregojnë se sistemi i kujdesit shëndetësor do të njohë lehtësim të konsiderueshëm financiar përmes kushteve të ligjit. Këto janë dispozita që ka të ngjarë të ndikojnë në kujdesin shëndetësor, veçanërisht industrinë dixhitale të shëndetit. Spitalet do të marrin 100 miliardë dollarë për të mbuluar shpenzimet dhe për të kompensuar të ardhurat e humbura që lidhen me koronavirusin.
Stimuli qeveritar që do të arrijë miliona familjeve amerikane në miratimin përfundimtar të Aktit do të ndihmojë në uljen e çmimit të faturave të internetit, që ose paguhen me shumë vones ose nuk paguhen fare. Kjo do të rrisë flukset e parave për operatorët e rrjetit në një kohë pasigurie. Pra kompanitë teknologjike që ofrojë shërbim interneti janë gjithashtu ndër përfituesit kryesorë të këtij stimuli.
Sektori i multimedias, sidomos në seksionin e reklamave, pritet të goditet fortë nga koronavirusi, me shumë kompani që po tërheqin strategjitë e tyre të marketimit. Stimuli historik i nënshkruar pritet që të kontribuojë në ndihmën ndaj këtij biznesi, megjithatë kjo nuk do të thotë se kriza financiare që do të përshkojë kompanitë e multimedias do të vijë pa pasoja të rënda për këtë industri.
Një sektor i rëndësishëm që do të ndihmohet goxha nga ligji i ri është sistemi bankar. Kërkesat e kapitalit humbës për bankat më të vogla do t’i fuqizojnë këto institucione t’u shërbejnë më mirë bizneseve në komunitetet e tyre. Projekt-ligji do të ulë kërkesat që bankat më të vogla duhet të plotësojnë në lidhje me rezervat e kapitalit që i ndihmojnë ata të qëndrojnë tretës nëse hasin telashe.
Ringjallja e mbrojtjeve federale të krizës financiare të vitit 2008 për bankat do të inkurajojë besimin e konsumatorit në këto institucione. Duke i mundësuar qeverisë federale të sigurojë sistemin bankar, si dhe të ofrojë mbrojtje të pakufizuar për depozitat e konsumatorëve, paketa stimuluese mund të forcojë besimin e konsumatorëve në banka. Në kohë krize, është e rëndësishme që bankat të shihen si institucione të besueshme që mbrojnë interesin e klientëve.
Bizneset e vogla gjithashtu i shtohen listës së përfituesve pasi akti i lejon ato të aplikojnë për falje kredie dhe heq dorë nga kërkesat e garantimit personal. Projekt-ligji përfshin një program kredie prej 350 miliardë dollarësh për bizneset e vogla (ato me më pak se 500 të punësuar), i cili ka për qëllim të ndihmojë firmat të japin pagat, paguajnë shërbimet e tyre dhe shpenzimet e sigurimeve në mënyrë që të zvogëlojnë pushimet nga puna.
Në fund, kufizimi i papunësisë, forcimi i përfitimeve të papunësisë dhe dhënia e fondeve të tatimpaguesve mund të ndihmojë në rritjen e shpenzimeve të konsumatorit, por pasiguria ekonomike mund të zvogëlojë aftësinë e konsumatorit për të shtuar konsumin në kohën e një krize financiare.
Stimuli i SHBA është më i madhi në historinë e saj dhe më i madhi në historinë financiare t botës, por sa do t’i shërbejë vërtet ky stimul ekonomisë, ngelet për t’u parë në të ardhmen.
VAZHDO TË LEXOSH MË TEPËR PËR TEMËN
Nuk jep shpresë as program fiskal prej 1 trilion dollarësh
Italia kërkon ndihmë nga fondi i krizës së BE-së
Trump nënshkruan paketën prej 2.2 trilionë dollarësh
