Shtetet e Bashkuara të Amerikës vazhdojnë ta mbështesin tranformimin transparent të Forcës së Sigurisë së Kosovës në ushtri.
Në pyetjen e bërë nga Radio Televizioni i Kosovës (RTK) se cili është qëndrimi i administratës amerikane lidhur me aprovimin e amendamenteve të Komisionit për Punë të Brendshme të Parlamentit të Kosovës për draft-ligjin e transformimit të FSK-së në ushtri, Ambasada Amerikane në Prishtinë është përgjigjur:
“Shtetet e Bashkuara të Amerikës vazhdojnë ta mbështesin tranformimin transparent të FSK-së në ushtri profesionale, multietnike e ndërvepruese me NATO-n, e cila do të kishte të drejtën e mbrojtjes së territorit. Asnjë vend nuk mund ‘të vendosë veto’ për këtë transformim”.
“I ftojmë liderët politikë të Kosovës të sigurojnë që ky process të vazhdojë në mënyrë gjithëpërfshirëse, që dëshmon natyrën multietnike të Kosovës. Rëndësi të veçantë ka që Kosova tani e tutje të bashkëpunojë ngusht me aleatët e NATO-s dhe të angazhohet së bashku me të gjithë qytetarët që ky transformim të përparojë”, ka thënë në përgjigjen saj e Ambasada Amerikane.
VAZHDO TË LEXOSH MË TEPËR PËR TEMËN
“Transformimi i FSK-së në ushtri, pa asnjë mëdyshje”
Ligji për ushtrinë/ NATO: Çështje e brendshme e Kosovës
