Gjermani nuk po gjen “derman” edhe pas eliminimit nga Botërori. Dy humbje në grup në “Russia 2018” i është bashkuar një tjetër sot, pikërisht ndaj Holandës në Ligën e Kombeve. “Tulipanët” kanë fituar 3-0 në shtëpi, duke lënë në vendin e fundit Gjermaninë. Kriza është ulur këmbëkryq te “pancerat”.
Ishte Gjermania ajo që nisi ndeshjen më kërcënuese në sulm, me Holandën që e kishte shumë të vështirë të ndërtonte aksione nga prapavija me pasime të shkurtra për shkak se miqtë mundoheshin të mbronin të gjithë.
Timo Werner mund të kishte kaluar të tijtë në avantazh në minutën e 15’ por goditja e tij ishte e tmerrshme dhe e pafalshme. Pas tij ishte Thomas Muller, por edhe ai humbet një mundësi të artë brenda zonës pas goditjes për t’u harruar. Gjermanët kanë një ngërç të dukshëm përpara portës.
Virgil Van Dijk scored the first goal for Netherland against Germany !! ?? pic.twitter.com/DRsqCNDxWB
— Castle of the Kop (@castleofthekop) October 13, 2018
Ndërkohë, Holanda gjen golin e avantazhit në mundësinë e parë të krijuar. Ishte pikërisht Virgil van Dijk ai që përfiton nga një rrëmujë në zonë pas goditjes këndore duke shtyrë topin në rrjetë nga një distancë e afërt.
2-0. Depay pic.twitter.com/hWnNSIBhp8
— Hollanda futbolu (@hollandafutbolu) October 13, 2018
Pas pushimit situata nuk ndryshon, Gjermani vazhdon të krijojë mundësi goli, por shpërdoron në mënyrë konstante, ndërkohë që holandezët mundohen të mbrojnë sa më mirë duke shfrytëzuar kundërsulmin me lojtarët e shpejtë përpara.
3-0, Wijnaldum pic.twitter.com/fmh4rA8MDN
— Hollanda futbolu (@hollandafutbolu) October 13, 2018
Dhe mund ta kishte vulosur fitoren me një nga këto kundërsulme, por Wijnaldum tregohet i pasaktë në hyrje të zonës. Por atë që nuk e bëri mesfushori i Liverpool, e bëri Memphis Depay në minutën e 87’. Pas tij filloi festa, kishte kohë edhe për Wijnaldum të shkruante emrin e tij në listën e golashënuesve duke thelluar krizën e Gjermanisë.
