Kryeministri i Kosovës, Avdullah Hoti, ka deklaruar se është i pashqetësuar nëse do ta përmbyllë apo jo deri në fund mandatin e tij si Kryemistër, siç ndodhi me dy paraardhësit e tij Ramush Haradinaj dhe Albin Kurtit.
Situata hipotetike vlen nëse partitë politike nuk bien dakord për postin e presidentit deri në shkurt apo edhe më herët në rast të largimit të presidentit Thaçi.
Shefi i qeverisë së Kosovës tha se për këtë temë është i detyruar të ulet në dialog me opozitën, por ai përjashtoi një zgjerim të mundshëm koalicioni me PDK-në e Kadri Veselit.
“Diskutime për zgjerim të koalicionit siç flitet në media nuk ka sepse koalicioni i ka numrat për të qeverisur normalisht. Kur të vijmë te çështja e presidentit do të ulemi edhe me partitë opozitare për të gjetur një zgjidhje për presidentin e vendit. Nëse mund të gjejmë zgjidhje, nëse jo vendi shkon në zgjedhje”, tha Hoti për Rubikon.
