Dy vjet më parë Claudio Ranieri shpallte kampion Leicester në Premier League dhe u quajt si surpriza më e madhe. Normalisht, italiani nuk do ta bënte këtë nëse nuk do të kishte një president mbështetës.
Sot, kur është konfirmuar ndarja nga jeta e presidentit të Leicester City-t, Vichai Srivaddhanaprabha, Ranieri është parë shumë i tronditur dhe kjo duket edhe te fjalët e tija. Srivaddhanaprabha dhe katër njerëz të tjerë janë vrarë pas përplasjes së helikopterit shumë pranë |King Poëer Stadium”.
“Jam i tronditur nga lajmi i vdekjes së Srivaddhanaprabha. Ai ka qenë një njeri i mirë dhe kishte fjalë pozitive për të gjithë. Pozitiviteti dhe aftësia për të bërë të gjithë ta donin, ishte diçka që kuptohej nga kushdo që ka qëndruar pranë tij.
Ai vinte në dhomat e zhveshjes vetëm për të thënë fjalë të hijshme, asnjëherë për të kritikuar. Një herë, pak pas ditëlindjes time, ai erdhi në dhomën e zhveshjes me një tortë të madhe dhe bëri të gjithë të këndonin këngën ‘Happy Birthday’.
Çdo gjë që prekte ai bëhej më e mirë. Tani do ta ketë në dorë i biri i tij, i cili gjithmonë ka qenë i dashuruar pas futbollit, për të vazhduar punën e lënë përgjysmë nga babai. Ai ka dhënë një kontribut të madh në Premier League. Ai gjithmonë ishte i qeshur. Jam shumë i mërzitur” – është shprehur Ranieri për “Sky Sport Italia”.
VAZHDO TË LEXOSH MË TEPËR PËR TEMËN
