Kanë përfunduar ndeshjet e para në grupet e Europa dhe Conference League. Në Europa League spikati humbja e Lazios në Stamboll. Galatasaray fitoi 1-0 dhe mori tri pikët e para në grup.
Më shumë se sa meritë e turqve, ishte gafa e portierit Thomas Strakosha. I vendosur titullar në këtë sfidë, në minutën e 67-të, gardiani kuqezi e fut topin në portën e tij, në vend që ta largonte mbi traversë. Hysaj ishte titullar në pozicionin e majtë.
Ndër rezultatet e tjera që ranë në sy ishte përmbysja e Leverkusen ndaj Ferencvaros. Uzuni hyri në lojë në pjesën e dytë, në 66’. West Ham fioi 2-0 në Zagreb përballë Dinamos, përmbysi Betis ndaj Celtic në 4-3 dhe Marseille që u ndal në fund 1-1 në Moskë ndaj Lokomotivës.
CONFERENCE LEAGUE
Në kompeticionin më të ri, u vu re barazimi 2-2 i Tottenham me francezët e Rennes. Duket se Spurs kanë probleme në transfertë, pasi edhe në play-off nuk fituan ndeshjen jashtë fushe. Spikati fitorja 3-1 e Slavia Prague kundër Union Berlin.
VAZHDO TË LEXOSH MË TEPËR PËR TEMËN
“Kush shpiku Superligën, gabim që s’pyeti lojtarët”
