Makina Mercedes e Lewis Hamilton është penalizuar me 10 pozicione nga komisarët e garës së Çmimit të Madh të Turqisë, e cila do të zhvillohet këtë fundjavë në Stamboll.
Mercedes ka vendosur të ndryshojë vetëm pjesën endotermike të motorit dhe jo të gjithë motorin, duke bërë që penaliteti i njëvendëshes gjermane të jetë vetëm me 10 pozicione.
Ndërkohë që, dy javë më parë, Max Verstappen (Red Bull) ndryshoi krejtësisht motorin dhe e nisi garën nga vend ii fundit. Duket se te Mercedes kanë vendosur të bëjnë këtë modifikim të pjesshëm të motorit për të mos lejuar Verstappen të shkëputet shumë.
BREAKING: Lewis Hamilton is set to receive a 10-place grid penalty for Sunday’s race
His car has a new internal combustion engine, exceeding his allocation#TurkishGP 🇹🇷 #F1 pic.twitter.com/TUy4idPRdx
— Formula 1 (@F1) October 8, 2021
Pilotit britanik i duhet të bëjë një paraqitje të mirë në provat zyrtare për të mos humbur shumë terren ndaj holandezit në startin e garës.