17.12.2021 - 21:28
Lazio është rikthyer te fitorja, duke mposhtur në “Olimpico” ekipin e Genoas 3-1. Një rezultat që bën bardhekaltrit të arrijnë Juventusin në renditje, duke iu rikthyer kështu pretendimeve.
Pedro shënoi golin e parë në minutën e 30-të dhe e mbylli pjesën e parë në avantazh të këtij goli. Në të dytën, vendasit shënuan golin e dytë në minutën e 75-të me Acerbi, ndërsa Zaccagni pesë minuta më vonë coi shifrat 3-0.
Miqtë e futën shumë vonë në lojë, duke ngushtuar diferencat në 3-1 në 86’ me Melegonin. Lazio mban avantazhin deri në fund, duke marrë tri pikë me vlerë. Strakosha ishte sërish titullar në portë, ndërsa Hysaj u zëvendësua në të dytën.
