”Hirësi, shqiptarët merren vesh me Perëndinë më mirë dhe më shpejt në shqip, sesa në greqishten tuaj”…
U vra nga një grup nacionalistësh grekë afër Përmetit për këmbënguljen e tij në përdorimin e gjuhës shqipe në liturgjinë lokale ortodokse, më 24 dhjetor 1917.
At Stath Melani, prift ortodoks shqiptar që mori pjesë në Kongresin e Manastirit dhe ndihmoi përhapjen e vetëdijes për gjuhën e shkruar shqipe në jug të Shqipërisë. At Stath Melani ishte jo vetëm prift, por edhe luftëtar i rezistencës së armatosur me çetën e tij, aleate me Mihal Gramenon, Sali Butkën, Çerçiz Topullin dhe Themistokli Gërmenjin. Ai
Stath Melani lindi në fshatin Melan të Përmetit, më 1858. Në moshë të vogël u vendos me të atin në Stamboll, ku u njoh me patriotët e kohës dhe zhvilloi ndjenjat kombëtare.
Më 1899 u dorëzua prift dhe më 1900 u kthye nga Amerika, ku pat emigruar, për në Përmet. Me qëllim që të mbështeste luftën për pavarësi kombëtare, krijoi më 1911 një çetë komitësh me djem nga fshatrat e Përmetit. Më 1912 u caktua komandant i zonës së Përmetit nga Qeveria e Përkohshme e Vlorës. Më 1914, pas krijiit të Republikës Autonome të Epirit të Veriut, u përball disa herë me forcat andarte greke.
Për shkak të veprimtarisë patriotike, u burgos si më 1909, nga autoritetet osmane, ashtu edhe më 1914, nga qeveria e Haxhi Qamilit.
Më 24 dhjetor 1917, At Stath Melani vritet në pusi nga andartët grekë më 24 dhjetor 1917. Vrasja e At Stathit shkaktoi një valë te madhe hidhërimi jo vetëm në popullsinë e krahinave te Përmetit, Leskovikut dhe Kolonjës, por edhe te Gjirokastrës, Tepelenës, Delvinës, Sarandës, Çamërisë dhe Vlorës, si dhe ndër shqiptaret jashtë atdheut në ShBA dhe gjetke. U bënë shumë protesta para autoriteteve italiane, duke kërkuar zbulimin dhe ndëshkimin e vrasësve.
VAZHDO TË LEXOSH MË TEPËR PËR TEMËN
‘’Via Egnatia’’ mrekullia mitike e Shqipërisë
‘’Meshari’’ i Gjon Buzukut, vepër monumentale
‘Hora degli Albanesi’, jeta e pasardhësve të Skënderbeut në Palermo
