Ju ka ndodhur që teksa bëheni gati për të lyer thonjtë, keni vënë re njolla të bardha? Nga se u shkaktuan, a tregojnë diçka për shëndetin, a janë arsye për t’u shqetësuar? Në pjesën më të madhe të rasteve, njollat e bardha të thonjve të këmbëve nuk janë një problem i madh. Njollat mund të kenë ardhur nga përplasja e gishtit ose një kërpudhë e zakonshme (myk). Në raste të rralla, këto njolla mund të jenë tregues i një çështjeje më serioze, si një mungesë vitamine ose sëmundje.
Disa arsye përse shfaqen njollat e bardha te thonjtë e këmbëve:
Trauma
Ndonjëherë kur e shtrëngoni gishtin tuaj me të vërtetë fort, enët e gjakut nën thoin e këmbës çahen dhe rrjedhin gjak, duke shkaktuar një mavijosje. Herë të tjera, trauma mund të shkaktojë një njollë të bardhë ose brez (të quajtur leukonichia). Kjo mund të ndodhë kur përplasni gishtin tuaj me një këmbëz të fortë karrigeje ose kur e fërkoni atë me pjesën e brendshme të një këpuce të ngushtë. Këto pika janë krejtësisht të padëmshme. Thonjtë e këmbëve janë dukshëm të ngadalshëm në rritje, kështu që mund të keni një njollë të bardhë në gishtin tuaj për nëntë deri në 12 muaj. Por mos u shqetësoni: njolla e bardhë përfundimisht rritet.
Mungesa e mineraleve
Njollat e bardha në thonjtë e këmbëve mund të jenë tregues se nuk po merrni mjaftueshëm vitamina dhe minerale. “Anemia nga mungesa e hekurit dhe e zinkut mund të shkaktojë thonjtë e bardhë”, – thotë dermatologia Shari Lipner, MD, profesore e asociuar e dermatologjisë në Nju Jork. Me këto mangësi, pjesa më e madhe e thoit duket e bardhë, përveç majës.
Nëse keni mungesë hekuri, me siguri do të vini re fillimisht simptoma të tjera. Ato përfshijnë lodhjen dhe problemet me përqendrimin. Nëse keni mungesë zinku, ka një shans që të vini re një ulje të oreksit dhe humbje peshe përpara se të shihni njolla të bardha në thonj.
Kërpudhat e thonjve (onikomikoza)
Ekzistojnë lloje të ndryshme të kërpudhave të thonjve të këmbëve. Secila prej tyre ka një ose dy tipare përcaktuese, por në pjesën më të madhe, të gjitha ato shkaktojnë njolla, brishtësi dhe trashje të thonjve.
Megjithëse infeksionet kërpudhore të thonjve të këmbës rrallë janë shkak për shqetësim kur bëhet fjalë për shëndetin tonë të përgjithshëm, ato rrallë largohen me trajtim pa recetë.
Si të parandaloni shfaqjen e njollave të bardha?
Ju mund të mos jeni në gjendje t’i parandaloni plotësisht njollat e bardha në thonjtë e bardhë. Ajo që mund të bëni është të qëndroni vigjilentë për ndryshime në thonjtë e këmbës. Sa më herët të vini re një ndryshim, aq më mirë, veçanërisht kur bëhet fjalë për kërpudhat e thonjve të këmbëve, të cilat mund të përhapen te gishtat e tjerë.
Ja çfarë mund të bëni për të ndihmuar në parandalimin e njollave të bardha të thonjve:
•Mbajini thonjtë të shkurtër;
•Zbutini thonjtë e këmbëve, hidratojini këmbët dhe mbajini të thata;
•Mos e përdorni manikyrin mbi dy javë;
•Shokoni te mjeku nëse vëreni anomali të tjera.
VAZHDO TË LEXOSH MË TEPËR PËR TEMËN
Doni lëkurë të butë dhe të lëmuar? Provoni…
5 Këshilla të vyera për lëkurën, flokët dhe thonjtë
