29.04.2022 - 20:32
A do të jetë apo jo Dritan Mehmeti në pankinën e Partizanit në sezonin e ardhshëm? Kjo është pyetja që ngrihet në një moment shumë delikat për të kuqtë, me zërat që shtohen vazhdimisht për emra teknikësh të tjerë që janë pranë klubit kryeqytetas.
I ngacmuar rreth kësaj teme në “Gol pas Goli” në “Supersport”, Mehmeti ka bërë të qartë se nuk e mendonte këtë temë pa mbaruar sezoni, edhe pse përmirësimi i rezultateve të Partizanit ishte i dukshëm.
Por ndërkohë, në studio, është lexuar një SMS që mbërriti në ato çaste nga presidenti i të kuqve, Gazment Demi. “Mehmeti është trajneri im”, ishin fjalët e numrit një të të kuqve. Një konfirmim se klubi pritet të vazhdojë me teknikun në drejtim, në Europë (nëse e arrijnë) dhe në sezonin e ardhshëm.
VAZHDO TË LEXOSH MË TEPËR PËR TEMËN
Kategoria Superiore, Java 31
