Kreu i La Liga-s vazhdon sulmin kundër parregullsive financiare të klubeve të mëdha evropiane dhe ka vendosur të raportojë në UEFA tre prej tyre: PSG, Manchester City dhe Juventus.
Ankesa më e njohur është ajo që do të paraqitet para organeve të skuadrës evropiane të futbollit kundër PSG-së dhe gjithçka nisi pas njoftimit për rinovimin e Kylian Mbappe. Këto janë fjalët e Javier Tebas për kontratën e re të francezit në Paris:
“Është skandaloze që një klub si PSG, i cili humbi më shumë se 220 milionë euro sezonin e kaluar, pasi ka akumuluar humbje prej 700 milionë euro në sezonet e fundit (përfshirë deklaratën e të ardhurave nga sponsorizimi, shumë të dyshimta), me një kosto personeli prej rreth 650 milionë euro për këtë sezon, të përballojë një marrëveshje të këtyre karakteristikave. Këto lloj negociatash kërcënojnë qëndrueshmërinë ekonomike të futbollit europian”.
Rasti Mbappe nuk ishte i vetmi që bëri që federata spanjolle të humbiste durimin, por është edhe blerja e Erling Haaland nga Manchester City. Presidenti i La Ligas, dje në Pro Foro Industria y Deporte 2022, kishte raportuar llogaritë dhe sponsorizimet e klubit anglez: “Do të doja të dija se si e kryen operacionin. Mino Raiola kishte kërkuar një komision të madh … “.
Vitet e fundit ka pasur shumë debate për Fair Play-in Financiar të UEFA-s dhe respektin e tij nga klubet e mëdha evropiane: kjo është një nga pikat fillestare të denoncimit të La Ligës ndaj PSG-së dhe Manchester Cityt.
Sa i përket Juventusit, spanjollët do t’i kishin kërkuar UEFA-s të hetonte fitimet e supozuara fiktive të kapitalit që kanë përfunduar në sytë e prokurorit të Torinos në muajt e fundit. Gjithashtu për këtë La Liga dëshiron që organizata më e madhe e futbollit të Kontinentit të Vjetër të kryejë një hetim të plotë.
VAZHDO TË LEXOSH MË TEPËR PËR TEMËN
“Lista e zezë” e Mbappe, kërkon edhe largimin e Neymar
