Charles Leclerc me Ferrari do të niset i pari nesër në garën e Baku në Azerbajxhan, e teta e këtij edicioni në Formula 1. Është pole-position numër 4 radhazi në këtë sezon, i gjashti në total, të dhëna që tregojnë përmirësimin e dukshëm të Ferrarit.
Megjithatë, Leclerc nuk do ta ketë aq të lehtë të fitojë nesër, pasi pas tij do të ketë dy makinat Red Bull, në vendin e dytë meksikani Sergio Perez dhe i treti kampioni në fuqi Max Verstappen, që kryeson edhe garën për pilotë.
Në vendin e katërt makina Ferrari e Carlos Sainz, që ishte më i shpejti deri në xhiron e fundit. Rusell në vend të pestë, Gasly i gjashti dhe vetëm vend i shtatë për Hamilton, i cili nuk po arrin të konkurrojë si dikur.
A fourth consecutive pole for @Charles_Leclerc 💪#AzerbaijanGP #F1 pic.twitter.com/FH3EJHcx06
— Formula 1 (@F1) June 11, 2022
