Noizy ka dhënë një intervistë sot për “Pushime On Top”, ku ka zbuluar detaje nga koncerti i tij “Alpha Show”.
Ai ka thënë se koncerti i tij do të jetë super gjigant dhe madhështor.
“Do të jetë skena më e madhe që është bërë ndonjëherë në Shqipëri. Do jetë skenë aq e madhe sa universitetin nuk do të mund ta shohësh më. Skena është e lëvizshme, skena është e gjallë. Në momentin që do të dali artisti i fundit, që fatmirësisht jam unë, në këtë moment do të ndodhi diçka magjike në skenë”, ka zbuluar Noizy.
Më tej, Noizy tregoi nëse vajza e tij do jetë në koncert.
“Nuk jam i sigurt. Me qejf e kam të vijë ta shohë. Mund të jetë me familjen time”,ka thënë reperi.
Jo vetëm kaq, por ai foli edhe për artistë të ndryshëm, ku u ndal edhe te Elvana Gjata.
Ai tha se ka menduar që të bëjë një bashkëpunim me Elvana Gjatën.
“Kemi folur me Elvanën. Noizy i dikurshëm, i 2008-ës, e ka bërë një këngë që quhet “Jena mbretër” edhe është përmendur pak Elvana aty, të cilën e kemi diskutuar dhe i kam thënë që ka qenë thjesht një këngë. Ajo këngë tashmë është himn i çdo diskoje. Unë kam gjithë ato vite karrierë dhe atë këngë akoma duhet ta këndoj. Do doja shumë të mos e kisha përmendur, sepse është një vajzë shumë e mirë, vajzë fantastike”, është shprehur Noizy duke lënë të nënkuptojmë që hatërmbetjet mes tyre tashmë nuk ekzistojnë.
“Mund të keni një bashkëpunim?”, i tha Ori Nebijaj
“Po, e kemi diskutuar. Nuk dua ta mbyll karrierën pa patur një këngë me Elvanën”, tha reperi.
VAZHDO TË LEXOSH MË TEPËR PËR TEMËN
Noizy tregon çfarë i ka mësuar një plak i mençur
A do të jetë pjesë e koncertit “Alpha Show”?
Yll Limani ka një tjetër ‘mbiemër’ dhe Noizy sapo na e zbuloi!
