“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Cilat janë efektet anësore të antibiotikëve?
Mjeku: Efektet anësore të medikamenteve, përfshirë edhe antibiotikët, përbëjnë 1 nga 10 shkaqet kryesore të sëmundshmërisë dhe të vdekshmërisë në SHBA. Reaksionet ndaj antibiotikëve mund të variojnë nga reaksione të lehta alergjike deri në efekte të rënda jetëkërcënuese, si: shoku anafilaktik, sindroma Stivens Xhonson etj.
Efektet anësore të antibiotikëve janë shumë të variueshme nga njëri pacient në tjetrin dhe nga një antibiotik në tjetrin. Po përmendim disa prej këtyre reaksioneve për disa nga klasat më shpesh të përdorura të antibiotikëve:
Penicilinat japin: rash (kruarje dhe skuqje), diarre, dhimbje abdominale (në zonën e barkut), nauzea dhe/ose të vjella, ethe medikamentoze, reaksione të hipersensitivitetit (alergjike) deri në anafilaksi. Ampicilina mund të shkaktojë kolit pseudomembranoz.
Cefalosporinat: rash (kruarje dhe skuqje), diarre, nauzea dhe/ose të vjella, ethe medikamentoze, reaksione të hipersensitivitetit (alergjike), sëmundjen e serumit, kandidozë vaginale, alergji të kryqëzuar në pacientët e raportuar për alergji ndaj penicilinës (3 -10%).
Aminoglicosidet: toksicitet renal (të veshkave), ototoksicitet (shurdhim), marrje mendsh, nauzea dhe/ose të vjella, nistagmus (probleme me syte).
Karbapenemet: diarre, nauzea dhe/ose të vjella, dhimbje koke, rash (kruarje dhe skuqje), toksicitet hepatik (i mëlçisë), eozinofilia.
Antituberkularët: anoreksi, anemi hemolitike, toksicitet hepatik, dhimbje koke, neuropati periferike, marrje mendsh, dhënie nuance të kuqe lëngjeve fiziologjike trupore (vetëm nga Rifampicina dhe Rifabutina).
Makrolidet: dhimbje abdominale (në zonën e barkut), anoreksi, diarre, nauze dhe/ose të vjella, çrregullime të shijes (Clarithromycin).
Kinolonet: dhimbje abdominale, anoreksi, diarre, nauze dhe/ose të vjella, dhimbje abdominale, dhimbje koke, pagjumësi, letargji, fotosensibilitet (disa herë shumë i rëndë).
Glikopeptidet: (a) Vancomycin: red man syndrome (skuqje, rënie të presionit arterial, prurit), flebite;
Telavancin: çrregullime të shijes, nauzea dhe/ose të vjella, dhimbje koke, marrje mendsh.
Tetraciklinat: nauzea dhe/ose të vjella, diarre, dhimbje abdominale, rash, fotosensibilitet, dhimbje koke, marrje mendsh.
Sulfonamidet: nauzea dhe/ose të vjella, diarre, anoreksi, dhimbje abdominale, rash, fotosensibilitet (po ashtu edhe: sindromën Stivens Xhonson), dhimbje koke, marrje mendsh.
Kujdes i veçantë i duhet kushtuar përshkrimit të antibiotikëve në shtatzëni. Autoritetet përkatëse Amerikane (Food and Drug Administration = FDA) kanë aprovuar një listë të antibiotikëve të sigurtë në përdorimin e tyre në një situatë të tillë fiziologjike, disa prej të cilëve janë: amoksicilina, ampicilina, klindamicina, eritromicina, penicilina, gentamicina, cefoksitina, cefotetani dhe cefazolini.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Kam vënë re që me plakjen shenjat në trup më janë shtuar”
‘Merr kuletën dhe ec me parimin e vetë-interesit’
