Ditën e sotme janë asgjësuar 338 bimë narkotike të llojit kanabis sativa, të kultivuara në një parcelë toke në fshatin Gjadër të Lezhës.
Lajmin e ka bërë të ditur Policia përmes një njoftimi, ku thuhet se bimët narkotike u asgjësuan në kuadër të operacionit të koduar “imazhi”.
Gjithashtu bëhet me dije se është arrestuar edhe autori i dyshuar, 42-vjeçar, i kultivimit të këtyre bimëve.
Njoftimi i policisë:
Në zbatim të planit operacional me qëllim parandalimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Lezhë kanë organizuar dhe finalizuar fazën e 31-të të megaoperacionit policor antikanabis në nivel qarku, të koduar “Imazhi”.
Gjatë kësaj faze, si rezultat i kontrolleve nga toka dhe me dronë, në fshatin Gjadër njësia administrative Dajç, shërbimet e Policisë gjetën të kultivuara 338 bimë të dyshuara narkotike cannabis sativa, të cilat pas kryerjes së veprimeve procedurale, u asgjësuan nëpërmjet djegies.Në vijim të veprimeve të thelluara hetimore, u bë i mundur identifikimi dhe ndalimi i autorit të dyshuar të kultivimit të këtyre bimëve narkotike, shtetasit R. V., 42 vjeç, banues në fshatin Kukel, Shkodër.
Vijon puna hetimore për identifikimin dhe kapjen e shtetasve të tjerë të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
VAZHDO TË LEXOSH MË TEPËR PËR TEMËN
“Ka raste që vetë Ndrangheta furnizohet me kokainë nga shqiptarët“
“Kepi i Vozajve”/ Megaoperacioni i antidrogës në Mat
“I forti” i Shkodrës heq dorë nga kërkesa për lirimin me kusht
