Numri i sulmeve ndaj refugjatëve dhe azilkërkuesve në Gjermani është rritur ndjeshëm këtë vit, tha dje qeveria gjermane. “Në tre tremujorët e parë të këtij viti, u regjistruan 1515 sulme të motivuara politikisht ndaj refugjatëve dhe azilkërkuesve, që është më shumë se i gjithë viti i kaluar”, thuhet në përgjigjen e qeverisë gjermane ndaj një hetimi nga grupi i partisë së majtë në Bundestag. Numri më i madh i sulmeve, dy të tretat, i atribuohen autorëve nga mjedisi politik i ekstremit të djathtë. Partia e Majtë kritikoi rritjen e dhunës ndaj refugjatëve dhe azilkërkuesve dhe e lidhi këtë rritje me debatin aktual për kufizimin e emigracionit të paligjshëm në Gjermani. “Në Gjermani, refugjatët janë çdo ditë cak i sulmeve, poshtërimeve dhe përhapjes së urrejtjes. Një nga arsyet është debati gjithnjë e më intensiv për azilkërkuesit, i cili ofron terren pjellor për mobilizimin racist në rrugë dhe dhunën e drejtuar kundër refugjatëve”, tha përfaqësuesja e partisë së majtë, Clara Buenger. Qeveria federale dhe përfaqësuesit e shteteve së fundmi ranë dakord për një paketë masash që duhet të rezultojë në uljen e numrit të refugjatëve, të cilët kanë ardhur sërish në Gjermani në numër të shtuar që nga fillimi i vitit. Ndër të tjera, masat përfshijnë rritjen e kontrollit kufitar si dhe heqjen e përfitimeve sociale për refugjatët, gjë që duhet të zvogëlojë atraktivitetin e Gjermanisë si destinacion për flukset e emigrantëve. Në sondazhet e opinionit publik qytetarët gjermanë deklarojnë pikërisht problemin e emigracionit të pakontrolluar si problemin më të madh social. Partitë si AfD e krahut të djathtë përfitojnë më shumë nga kjo gjendje.
Analiza
Pse Gjermania nuk shpëton dot nga emigracioni?
15.11.2023 - 17:19
Përçarje brenda qeverisë izraelite
Ministri i kabinetit të luftës: Do jap dorëheqjen nëse Netanyahu…
‘Ujku i vetmuar’ qëlloi me armë ndaj Fico
Si po interpretohet atentati ndaj kryeministrit
Prokuroria ka kërkuar arrest me burg
Atentati ndaj kryeministrit sllovak, del para gjykatës penale autori
Ja çfarë ka në plan Moska