U desh të kalohej në minuta shtesë, por Kansas City Chefs e fituan Super Bowl 2024 përballë San Francisco 49ers me rezultatin 25-22.
Ndeshja që u mbajt në stadiumin “Allegiant” në Las Vegas, ishte eventi më i rëndësishëm i së dielës dhe kjo u vërtetua po ashtu nga pjesëmarrja e shumë personazheve publikë që gjendeshin në shkallët e stadiumit. Nga Taylor Swift te Beyoncé, e diela e 11 shkurtit u mbush me kaq shumë ngjarje.
Mediat u pushtuan nga fotot e Taylor Swift dhe miqve e familjes së Travis Kelce, të cilët festuan fitoren. Puthja pas fitores mes çiftit më të përfolur të momentit ishte gjithashtu një moment viral. Ndërsa mediat nuk lanë pa komentuar asgjë që lidhej me Taylor Swift, duke nisur nga bizhuteritë e shtrenjta dhe veshja me vlerë mbi 50.000 dollarë, e deri të mimikat që shkëmbeu me Blake Livley.
Justin Bieber, Beyoncé, familja Kardashian dhe Kanye West, ishin po ashtu të pranishëm në shkallët e stadiumit, mes shumë personazheve publikë.
Performanca e Usher, e cila u konsiderua spektakolare nga mediat, ndezi atmosferën në pushimin ndeshjes. Të ftuar në “Half Time Show” krah artistit fitues të disa Grammy, ishin: Alicia Keys, Ludacris, Lil Jon, H.E.R, will.i.am., etj. Disa nga këngët që u perfomuan ishin: “Caught Up”, “Confessions”, “Yeah!” dhe “OMG.”
Alicia Keys performoi e vetme: “If I Ain’t Got You” dhe më pas “My Boo” me Usher. Një nga momentet më të komentuara të performancës ishte kur këngëtari hoqi bluzën e tij për të kënduar: “U Got it Bad”.
VAZHDO TË LEXOSH MË TEPËR PËR TEMËN
Jennifer Lopez dhe Shakira-s ‘dogjën’ skenën e “Super Bowl”
Dy yjet e muzikës në finalen Super Bowl
Jennifer Lopez dhe Shakira bashkë në një event
