20.02.2024 - 13:36
Ka ndërruar jetë në moshën 63-vjeçarë një prej emrave më të shquar të futbollit gjerman si Andreas Brehme. Ish-mbrojtësi i majtë ka pësuar një atak kardiak të hënën mbrëma, ndërsa pavarësisht se është transportuar në spital nuk ka mundur t’ia dalë.
Brehme ishte protagonist absolut në fitimin e Botërorit me Gjermaninë në 1990 kundër Argjentinës në Romë të Italisë, ndërsa në nivel klubesh ai ka luajtur me klube si Bayern Munchen dhe Inter. Brehme ishte prekur shumë në fillim të këtij viti kur mentori dhe ish-trajneri i tij Franc Becenbauer ndërroi jetë.
