Valon Aliu i dyshuari për vrasjen e ish-bashkëshortes 21-vjeçare Erona Cokli ditën e djeshme, ka dalë para gjykatës themelore te Ferizajt.
Atij do t’i caktohet sot masa e sigurisë për ngjarjen e rëndë ku mbeti i plagosur gjithashtu edhe vëllaii i tij 15-vjeçar. I mituri ndodhet jashtë rrezikut për jetën.
Ngjarja e rëndë që tronditi Kosovën ndodhi në Qendrën për Punë Sociale në Ferizaj.
Lidhur me këtë ngjarje ka folur Drejtoresha për Punë Sociale në Ferizaj, Adelina Rexhepi-Braha dhe ka sqaruar se gjithçka ndodhi pasi ish-bashkëshorti e kishte kthyer djalin e tyre në Qendrën për Punë Sociale, ku ishte e strehuar tashmë viktima.
“Ish-bashkëshorti e ka vra. Kontaktin e kanë pas me marrëveshje. Nëna e ka fëmijën edhe e ka sjellë fëmijën në ora 13:00 në qendër që të realizojë kontaktin me babën e tij. Djalin e ka marrë babai e ka dërguar në familje të vet, në shtëpi dhe pastaj e ka rikthyer në qendër”, tha ajo.
