Shumë klube prestigjoze europiane janë të interesuar për sulmuesin argjentinas të Juventus-it, Paulo Dybala, dhe tashmë klubi bardhezi ka vënë një çmim, që do të thotë se mund ta shesin në rast se ofrohet ajo cka kampionët e Italisë pretendojnë.
PSG, Bayern Munchen dhe Manchester City e kanë shprehur tanimë interesimin për yllin Paulo Dybala, mirëpo klubi italian nuk do ta shqyrtojë asnjë ofertë nën 100 milionë euro.
Sipas Tuttosport, tre gjigantët evropianë tashmë e kanë kontaktuar Juventusit dhe i kanë bërë italianëve oferta për transferimin e Dybala, mirëpo për momentin drejtuesit e ‘Zonjës së Vjetër’ kanë vendosur t’i injorojnë të gjithë.
Megjithatë, gazetat italiane raportojnë se Juventus nuk e përjashton mundësinë e shitjes së Dybalas, nëse për argjentinasin vjen ndonjë ofertë e mirë gjatë afatit kalimtar të verës.
Kushti i vetëm që duhet të plotësojnë Bayern Munich, Manchester City apo PSG-ja për ta transferuar Dybala-në është ta bëjnë një ofertë mbi 100 milionë euro, si në rastin e kthimit të Paul Pogba te Manchester United.
VAZHDO TË LEXOSH MË TEPËR PËR TEMËN
Dështimet e merkatos së janarit në Serie A
