UEFA ka shpallur formacionin ideal të vitit 2018, bazuar në votimet e tifozëve. Ky votim ka zgjatur pak më shumë se një muaj, i hapur përmes internetit në portalin “UEFA.com”.
Më shumë se 1.8 milionë vota u regjistruan, me 85.167 përdorues të rinj, që u regjistruan për të hedhur votën e tyre. Edhe një vit më parë, Real Madrid dominonte në këtë 11-she, duke qenë se kishte pasur mjaft suksese në 12 muajt e fundit.
Katër lojtarë të klubit madrilen janë zgjedhur sërish nga tifozët, ndërsa Barcelona ka dy përfaqësues në këtë formacion. Kjo 11-she përbëhet nga Ter Stegen në portë; Ramos, Van Dijk, Varane dhe Marcelo në mbrojtje; Modric, Kanté dhe Hazard në mesfushë; Mbappé, Messi dhe Cristiano Ronaldo në sulm.
Luka Modric ka qenë lojtari me më shumë vota (115.440), duke fituar një përmasë të re vlerësimi për vitin e tij të madh, si me Real Madrid, edhe me kombëtaren e tij. Lojtarët e tjerë, që kompletojnë podiumin (treshen) e më të votuarve, janë: Cristiano Ronaldo (108.423) dhe Lionel Messi (107.326).
VAZHDO TË LEXOSH MË TEPËR PËR TEMËN
15 transferimet më të mira të vitit 2018
Formacioni më i mirë i fazës së grupeve
