Komisioni i Disiplinës në FSHF ka publikuar vendimet e radhës, që lidhen me javën që lam pas të aktiviteteve sportive në vend.
Nga klubet e Superligës, duket se gjithcka ka shkuar në “paqe” këtë fundjavë, pasi i vetmi që e ka pësuar është zyrtari i Flamurtarit, Ardi Behari.
Ndërsa të gjitha vendimet e tjera lidhen me ekipe dhe lojtarë të Kategorisë së Parë apo kategorive inferiore të futbollit në vend.
Vendimet
1.Zyrtari i FC “Flamurtari”, Ardi Behari, për protesta ndaj vendimeve të zyrtarëve të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktiviteti.
2.Zyrtari i KF “Erzeni”, Arjan Hoxha, për protesta ndaj vendimeve të zyrtarëve të ndeshjes, në bazë të Nenit 49/2/a të KDS, dënohet me 2 (dy) ndeshje pezullim nga aktiviteti.
3.Lojtari KF “Erzeni”, Jurgen Peqini, për provokim të publikut, në bazë të Nenit 53 të KDS, dënohet me 2 (dy) ndeshje pezullim nga aktiviteti.
4.KF “Veleçiku”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) lek.Në aplikim të Nenit 136 të KDS, gjoba paguhet në masën 50%.
5.KF “Erzeni”, për sjellje të gabuar të spektatoreve, në bazë të Nenit 66/2 të KDS, dënohet me gjobë në masën 100.000 (njëqindmijë) lek.Në aplikim të Nenit 136 të KDS, gjoba paguhet në masën 50%.
6.KF “Tomori 1923”, për dështim në përmbushjen e përgjegjësive për organizimin e ndeshjes duke mos zbatuar rregullat e sigurisë dhe duke mos garantuar sigurinë e zyrtarëve të ndeshjes dhe lojtarëve kundërshtarë, si dhe për sjelljen e gabuar të spektatorëve duke përdorur shprehje diskriminuese e hedhur sende brenda rrethimit te fushes duke shkatuar akte dhune, në bazë të nenit 57, 64/1/b 64/1/c), 65/1, 65/2, dhe 66/3/b) të KDS dënohet me humbjen e ndeshjes kundër F.K Apolonia në tavolinë me rezultatin 3-0, zhvillimin e 4 (katër) ndeshjeve në fushë asnjëanëse dhe pa spektatorë si dhe gjobë në masën 200.000 (dyqindmijë) Lekë. Në aplikim të nenit 136/1/a), gjoba të aplikohet në masën 50%.
7.Zyrtari i KF “Tomori 1923”, Arben Paja, për sjellje jo sportive ndaj zyrtarëve të ndeshjes, në bazë të Nenit 49/2/a të KDS, dënohet me 8 (tetë) ndeshje pezulim nga aktiviteti.
8.Zyrtari i KF “Tomori 1923”, Santiljano Dule, për sjellje jo sportive ndaj zyrtarëve të ndeshjes, në bazë të Nenit 49/2/a të KDS, dënohet me 8 (tetë) ndeshje pezulim nga aktiviteti.
9.Zyrtari i KF “Besëlidhja”,Vladimir Gjoni, për protestë ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktiviteti.
10.Lojtari i KF “Vora”, Xhulio Turhani, për sjellje jo sportive ndaj zyrtarit të ndeshjes, në bazë të nenit 49/1/a të KDS, dënohet me 4 (katër) ndeshje pezullim nga aktiviteti.
11.KF “Egnatia”, paralajmërohet se në rast përsëritje për vonesa në fillimit e lojës, do të jetë subjekt i masave që parashikon Kodi i Disipinës Sportive dhe rregulloreve të tjera te FSHF.
12.KF “Pogradeci”, për sjellje të gabuar të spektatoreve, në bazë të Nenit 66/1 të KDS, dënohet me gjobë në masën 100.000 (njëqindmijë) lek.Në aplikim të Nenit 136 të KDS, gjoba paguhet në masën 50%.
13.KF “Internacional” U-19, për sjellje të gabuar të spektatorëve dhe dështrim në përmbushjen e përgjegjësive, në bazë të Nenit 65/1, 65/2 dhe 66/1 të KDS, dënohet me zhvillim e 2 (dy) ndeshje pa spektator në fushën përkatëse dhe gjobë në masën 100.000 (njëqindmijë) lek.Në aplikim të Nenit 136 të KDS, gjoba paguhet në masën 3%.
14.KF “Kamza” U-19, për mos paraqitje në ndeshje me KF “Burreli” U-19, në bazë të Nenit 55/1 të KDS, humbet ndeshjen në tavolinë me rezultatin 3 me 0.
15.KF “Kamza” U-17, për mos paraqitje në ndeshje me KF “Burreli” U-17, në bazë të Nenit 55/1 të KDS, humbet ndeshjen në tavolinë me rezultatin 3 me 0.
16.Zyrtari i KF “Akademia AAS” U-17, Haris Lika, për protestë ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktiviteti.
17.Rrëzimin e kërkesës së lojtarit të KF “Vllaznia B”,Ari Djaepaxhia, si të pa bazuar në KDS dhe Rregulloret e tjera të FSHF.
18.Pranimin e kërkesës së lojtarit të KF “Partizani” U-19, Klevi Karati dhe pezullimin e pjesës së mbetur të dënimit. Në bazë të Nenit 33/4 të KDS, lojtari Klevi Karati vendoset në provë për një periudhë 6 mujore.
19.Rrëzimin e kërkesës së lojtarit të KF “Partizani” U-17 ,Brajan Marku, si të pa bazuar në KDS dhe Rregulloret e tjera të FSHF.
20.Rrëzimin e kërkesës së lojtarit të KF “Korabi” U-17 ,Bernardo Fida, si të pa bazuar në KDS dhe Rregulloret e tjera të FSHF.
VAZHDO TË LEXOSH MË TEPËR PËR TEMËN
Disiplina dënon djemtë e presidentëve
