Një “provokacija”? Jo, është një foto e bërë natyrshëm, në mes të Shkodrës, aty ku bujaria dhe respekti mposhtin politikën dhe urrejtjen, madje kur bëhet fjalë edhe mes serbit dhe shqiptarit.
Gjestin e shqiponjës e ka bërë edhe një basketbollist serb, që luan me Vllazninë, Pavle Cvetinoviç. Fotoja është publikuar në faqen zyrtare të shoqatës së basketbollit të Vllaznisë, e cila shoqërohet me diçiturën: “Sporti nuk njeh kufinj”.
Në këtë foto janë në një nga lokalet e Shkodrës kapiteni i Vllaznisë, Erjon Llazani, tre basketbollistët e huaj: amerikanët Leo Svete e Malik Carter, si dhe serbi Pavle Cvetinoviç.
Por, bashkë me ta është edhe ish-basketbollisti i Vllaznisë, Herion Faslija. Të pestë ata në një moment kanë bërë një foto, duke bërë të gjithë shenjën e shqiponjës.
Serbit nuk ia ka ndjerë aspak nëse ky veprim do të kritikohet në vendlindjen e tij, ai është ndjerë i barabartë me të tjerët dhe nuk ka pasur kurrë probleme, qoftë me tifozët, qoftë me mikpritjen në qytet.
VAZHDO TË LEXOSH MË TEPËR PËR TEMËN
Xhaka rrezikon për shkak të kësaj fotoje
“Ushtarja” kosovare që “pushtoi” mediat në Zvicër
