MENU
klinika

Blerja e banesave

Bankat, 570 milionë euro për prona në Tiranë

17.09.2018 - 09:47

Sistemi bankar ka financuar blerjet e individëve në tregun e pasurive të paluajtshme në Tiranë me rreth 570 milionë euro kredi. Sipas të dhënave nga Banka e Shqipërisë, në fund të vitit 2017 portofoli i kredisë për blerje banesash në Tiranë arriti në 72.1 miliardë lekë.

Gjatë një viti, portofoli u zgjerua me rreth tre miliardë lekë ose afro 24 milionë euro. Rritja e kreditimit shpjegon pjesërisht gjallërimin e ndjeshëm të tregut të pasurive të paluajtshme në kryeqytet gjatë viteve të fundit. Çbllokimi i lejeve të ndërtimit ka sjellë nisjen ndërtimeve të reja, ndërsa agjentët e shitjeve dëshmojnë për një kërkesë të përmirësuar. Lehtësimi i kushteve të kredisë hipotekare, normat e ulëta të interesit, por edhe skema e subvencionit të interesave nga Bashkia Tiranë i kanë dhënë një shtysë tregut. Sidoqoftë, portofoli aktual i kredisë bankare është larg të qenit mbështetja kryesore e tregut të pasurive të paluajtshme në Tiranë, treg i fryrë sidomos nga investimi i parave të fituara përmes aktiviteteve të paligjshme, si edhe nga remitancat. Statistikat demografike tregojnë se kërkesa për banim në Tiranë ngelet në rritje.

konica ekonomiakonica ekonomia mobile

Sipas Instat, vetëm për vitin e kaluar popullsia e Tiranës u shtua me afro 22 mijë banorë. Rritja e popullsisë ushqen kërkesën në tregun e pasurive të paluajtshme, por edhe në tregun e kredisë bankare. Për gjysmën e parë të këtij viti në Tiranë u dhanë 164 leje për ndërtesa të reja.

 

VAZHDO TË LEXOSH MË TEPËR PËR TEMËN


104 mln euro për korrikun

Kredia në euroizim