Chelsea ka “flirtuar” me fitoren ndaj Liverpool, por të kuqtë kanë shënuar në minutën e 89-të, duke barazuar 1-1 në “Stamford Bridge”. Një pikë duket mirë për nga mënyra se si shkoi loja për Liverpool, por humb kreun, që mbahet nga Manchester City thjesht nga golaverazhi.
Ndeshja ishte e luftuar dhe e mbushur me raste, por vetëm dy prej tyre janë transformuar në gol. Ka qenë minuta e 25-të kur Eden Hazard ka shfrytëzuar në mënyrën e duhur topin e marrë nga Kovacic dhe ka mposhtur Alisson me një goditje të saktë.
Liverpool ka patur shumë mundësi për të shënuar, por lojtarët e Klopp nuk kanë arritur t’i transformojnë në gola. Të paktën deri në minutën e 89-të, kur Daniel Sturridge, i aktivizuar në minutën e 86-të në vend të Milner, ka befasuar vendasit me një goditje të jashtëzakonshme.
Beteja e “Anfield” është mbyllur në barazim, por mund të thuhet se fituesi i vetëm ka qenë Manchester City, që është kthyer në krye të renditjes falë një diference më të mirë golash se Liverpool. Të dy skuadrat kryesojnë me 19 pikë.
VAZHDO TË LEXOSH MË TEPËR PËR TEMËN
City nuk ndalet, merr kreun provizorisht
