Në basketbollin e femrave në Shqipëri ka një skuadër të pathyeshme. SH.K.B. Tirana në basketboll për femra vijon marshimin e saj në kampionat, duke marrë sot në mbrëmje fitoren e tetë radhazi në po kaq ndeshje të luajtura.
Bardheblutë e trajnerit Borova fituan 74-57 në Shkodër ndaj Vllaznisë vendase, ndeshje e vlefshme për javën e tetë të kampionatit, Grupi A. Një ndeshje në sens unik, në përgjithësi e dominuar nga basketbollistet bardheblu, ndjeshëm më superiore në parket se shkodranet.
Vllaznia, që këtë sezon ka bërë një paraqitje të mirë, u përpoq të rivalizojë, por pa forcën e duhur, duke u detyruar në fund të pranojë humbjen e tretë në kampionat.
Për Tiranën ky sukses është shumë i rëndësishëm, pasi fitoi në një fushë ku rivali i saj kryesor për titull, Flamurtari, doli i humbur, ndaj dhe fitorja e çon në +3 pikë avantazhin e bardhebluve me ndjekësit më të afërt.
Basketboll – Kategoria e Parë Femra, Grupi A, java e 8-të (27 nëntor)
Studenti – Flamurtari 59-85
E premte, 30 nëntor
Vllaznia – Sh.K.B.Tirana 57-74
E shtunë, 1 dhjetor
Elbasani – Sh.B.Tirana, ora 14:00
Renditja: Sh.K.B.Tirana 16 pikë (8/0), Vllaznia 13 pikë (5/3), Flamurtari 13 pikë (5/3), Sh.B.Tirana 11 pikë (4/3), Studenti 9 pikë (1/7), Elbasani 7 pikë (0/7).
VAZHDO TË LEXOSH MË TEPËR PËR TEMËN
Derbi bardheblu fitohet nga SH.K.B Tirana
Sh.K.B Tirana nuk njeh rivalë në kampionat
