Vijon të lakohet ende shkarkimi i Jose Mourinhos nga Manchester United. Sipas “Daily Mirror”, shkarkimi i portugezit erdhi për të shmangur një kryengritje të fuqishme të lojtarëve, që ishin lodhur nga sjellja e trajnerit me ta.
Të paktën katër lojtarë e kishin kërcënuar zëvendëspresidentin ekzekutiv Ed Woodward, se do të largoheshin në merkaton e janarit, nëse Mourinho do të mbetej ende në detyrë.
Në këtë pikë, menaxher i lartë i klubit për të shmangur humbjen e disa prej lojtarëve të tij më të mirë, ka vendosur të martën e kaluar për të shkarkuar Mourinhon.
Dhoma e zhveshjes së “Djajve të Kuq” ishte bërë si një “fuçi baruti” në muajt e fundit. Disa prej lojtarëve më me ndikim të ekipit janë ankuar për trajtimin e Mourinhos.
“Mirror” përmend emrat e Luke Shaw, Anthony Martial dhe Eric Bailly. Edhe vetë Woodward nuk e ka pëlqyer faktin se mesfushori brazilian, Fred, i cili arriti në verë për më shumë se 60 milionë euro, nuk ishte përdorur ndonjëherë nga trajneri.
VAZHDO TË LEXOSH MË TEPËR PËR TEMËN
Jose Mourinho shkarkohet zyrtarisht nga United
Shkarkimi, ja sa përfiton Jose Mourinho
Manchester United emëron trajnerin e ri
