Nuk ka pasur shumë gola se derbi londinez, por kjo nuk do të thotë se në derbin e Liverpool kanë munguar emocionet. Të Kuqtë kanë shënuar golin e fitores 1-0 në minutën e 96-të, duke mposhtur Evertonin. Liverpool mbetet në vendin e dytë, -2 pikë nga City kryesues.
Megjithëse vendasit kontrollonin lojën, ishin miqtë ata që mund të kishin kaluar në avantazh, por Mina humb një mundësi shumë të mirë me kokë. Për të Kuqtë ishte Mane ai që kishte rastin e parë për gol kur doli vetëm për vetëm me portierin, por edhe ai u tregua i pasaktë.
Në minutën e 21’ Andre Gomez uhmb një mundësi të artë kur gjendet vetëm një metër larg portierit Alisson i cili bllokon goditjen me mjeshtëri duke ruajtur rrjetën e paprekur.
Edhe Shaqiri kishte mundësinë e tij, por në pjesën e parë ishin portierët lojtarët më të mirë në fushë. Pas pushimit Liverpool ushtron më tepër presion duke detyruar Everton të qëndrojë në gjysmëfushën e tij duke i hequr mundësinë të rrezikojnë portën si në pjesën e parë.
Mundësitë për të shënuar mbeten për vendasit, por janë treguar të pasaktë përsëri në disa aksione. Emocionet e derbit ndihen dhe në fund Everton mendon vetëm për t’u mbrojtur duke harruar sulmin.
Gomez godet shtyllën për Liverpool në minutën e 88’ teksa të Kuqtë në fund të takimit ushtrojnë presion të madh për të gjetur golin e fitores dhe më në fund ia dalin në sekondat e fundit të takimit. Ishte gafa e Pickford që ka lejuar Origi-n të gjejë golin e fitores në derbi.
VAZHDO TË LEXOSH MË TEPËR PËR TEMËN
United shmang humbjen, Mourinho nervoz
City bën “detyrën”, mbetet në krye
