Barcelona ka fituar derbin ndaj Espanyol me rezultatin e thellë 4-0. Me këtë fitore spektakolare, Barcelona ngjitet e vetme në krye, me tri pikë më tepër se Sevilla. Lionel Messi ka shënuar golin e tij të 11-të në La Liga, ky është sezoni i 13-të radhazi që ylli argjentinas shënon 10+ gola në kampionatin spanjoll, si askush tjetër.
Ishte pikërisht Messi ai që zhbllokoi rezultatin në minutën e 17’ me një supergol nga distanca. Këto gola janë aq të thjeshtë për të sa që duket sikur janë penallti.
Nëntë minuta më vonë ishte Dembele ai që dyfishoi rezultatin pas një tjetër aksioni spektakolar të Messi-t, por edhe finalizimi i talentit francez ishte i mrekullueshëm. Në minutën e fundit të pjesës së parë i rikthyeri Luis Suarez shënon golin e tretë duke i vënë praktikisht kapakun kësaj ndeshjeje.
Pas pushimit një tjetër magji e Messi-t nga goditja e dënimit i dha golin e katërt Barcelona-s. Kontrolli i lojës mbeti nga ana e miqve megjithëse vendasve u anulohet goli i nderit nga VAR. Një tjetër paraqitje fantastike e Barça-s që ka treguar edhe njëherë se është ekipi për t’u mundur në La Liga.
VAZHDO TË LEXOSH MË TEPËR PËR TEMËN
“Furtunë” e Barcelonës, Messi “vetëm” 2 gola
Barça skuqet sërish, Messi-Pique i japin 1 pikë
