MENU

Nëse SHBA vazhdon me sanksionet

Kim Jong-un kërcënon SHBA-në: Do të ndryshojmë drejtim

01.01.2019 - 12:11

Udhëheqësi i Koresë së Veriut Kim Jong-un ka thënë gjatë fjalimit të Vitit të Ri se vendi i tij është i angazhuar për denuklearizimin, por paralajmëroi se ai do të ndryshojë drejtim nëse SHBA vazhdon me sanksionet e saj.

Vitin e kaluar, Kim u takua me Presidentin e SHBA Donald Trump për të diskutuar për denuklearizimin në qershor 2018, por nuk ka patur rezultate konkrete deri tani.

“Afrimi” i vitit të kaluar erdhi pas një 2017 të turbullt dhe shtimin e tensioneve midis Phenianit dhe Uashingtonit me të dyja anët që fyejnë dhe kërcënojnë njëri-tjetrin.

Fjalimi vjetor i Vitit të Ri është një traditë që Kim mori nga gjyshi i tij, themeluesi i vendit komunist Kim Il-sung.

Fjalimi synon kryesisht në një audiencë të brendshme dhe,ashtu si në vitet e mëparshme, u fokusua kryesisht tek ekonomia, por vëzhguesit ndërkombëtarë skanojnë çdo rresht për të dhëna edhe për agjendën ndërkombëtare të Phenianit.

Në fjalimin e këtij viti, të transmetuar në televizionin shtetëror të marten herët, Kim tha “Nëse SHBA nuk e mban premtimin e saj përpara gjithë botës, dhe këmbëngul për sanksione dhe presione mbi republikën tonë, mund të mbetemi nuk ka zgjidhje tjetër veçse të gjejmë një mënyrë të re për të mbrojtur sovranitetin dhe interesat tona”.

Kjo mund të nënkuptojë se Koreja e Veriut po pret që SHBA të veprojë në vitin 2019.

Kim tha se Koreja e Veriut tashmë ishte zotuar të mos prodhonte, përdorte apo shpërndante armë bërthamore dhe kishte ndërmarrë hapa konkretë për ta zbatuar këtë.

Ai tha gjithashtu se ishte i gatshëm të takonte përsëri Trump në çdo kohë.

Në mesazhin e Vitit të Ri të kaluar, Kim njoftoi se Koreja e Veriut do të merrte pjesë në Olimpiadën Dimërore të organizuar nga Koreja e Jugut, gjë që çoi në përmirësimin e marrëdhënieve.

Pas një stuhie të veprimtarisë diplomatike, në prill, Kim Jong-un takoi Presidentin e Koresë së Jugut, Moon-Jae-in, për një samit në kufirin ndër-korean.

Ata u takuan edhe dy herë pas kësaj, por samiti më historik i vitit 2018 ishte takimi i kreut të Koresë së Veriut me Presidentin e SHBA Donald Trump në Singapor në qershor.

Në atë që ishte hera e parë që një udhëheqës i Koresë së Veriut u takua me një president të SHBA, të dy nënshkruan një marrëveshje të formuluar në mënyrë të paqartë për të përmirësuar lidhjet dhe për të punuar drejt denuklearizimit.

Që nga takimi Trump-Kim, megjithatë, është bërë më pak përparim sesa pritej.

Koreja e Veriut ka çmontuar disa raketa, por ka akuza se po vazhdon programi i saj i armëve.

Presidenti Trump ka thënë se pret që një samit i dytë të zhvillohet që në fillim të muajit shkurt, por ende nuk ka konfirmim. Thuhet gjithashtu se Kim Jong-un planifikon që të udhëtojnë në kryeqytetin jugor të Seulit për një samit tjetër ndër-korean, por përsëri, ato plane ende nuk janë konfirmuar.