Presidenti rus Vladimir Putin dhe Recep Tayyip Erdogan i Turqisë po planifikojnë të takohen së shpejti për të diskutuar largimin e njoftuar të trupave të SHB-së nga Siria, ku të dy vendet kanë gjithashtu një prani të fortë ushtarake.
Agjencia shtetërore e lajmeve turke Anadolu njoftoi se takimi pritet të bëhet këtë muaj.
Zëdhënësi i Kremlinit, Dmitri Peskov konfirmoi se dy liderët kanë ndërmend të mbajnë bisedime së shpejti, por data e saktë ende nuk është caktuar.
Hera e fundit që Putin dhe Erdogan u takuan, ishte më 1 dhjetor në Grupin e 20 Samitit në Buenos Aires. Ministrat e jashtëm dhe të mbrojtjes nga të dy vendet u takuan në Moskë në fund të dhjetorit për të diskutuar mbi Sirinë.
Siria është zhytur në një luftë civile shtatëvjeçare. Rusia dhe Irani mbështesin presidentin sirian Bashar al-Asad. Shtetet e Bashkuara dhe Turqia mbështesin luftëtarët e ndryshëm kundër qeverisë.
Këshilltari i sigurimit kombëtar i SHBA, John Bolton, tha se do të diskutonte planet e SHBA kur të takohej me ministrin turk të mbrojtjes Hulusi Akar dhe shefin e inteligjencës Hakan Fidan në Turqi më 8 janar.
Presidenti Donald Trump më 19 dhjetor i habiti ligjvënësit e SHBA dhe shumë liderë ushtarakë kur ai njoftoi se do të tërheqë të gjitha 2,000 forcat amerikane nga Siria, ku ata po ndihmojnë një milici kurde kundër luftëtarëve IS.
Më 6 janar në Jeruzalem, Bolton tha se vendimi i SHBA për të tërhequr të gjitha trupat e SHBA nga Siria ishte e kushtëzuar nga Turqia. I pyetur nëse do të ndalohej një tërheqje e SHBA nëse Turqia nuk mund të garantojë luftëtarët kurdë se do të jenë të sigurt, Bolton tha: “Në thelb, kjo është e drejtë.”
“Ne nuk mendojmë se turqit duhet të ndërmarrin veprime ushtarake që nuk janë plotësisht të koordinuara dhe të pranuara nga Shtetet e Bashkuara, në minimum,” tha Bolton.
Vendimi i Trump për të tërhequr trupat e Amerikës nga Siria Lindore nuk ka habitur askënd më shumë se të dërguarit e tij në rajon. Në fakt, në prill të vitit të kaluar ai deklaroi se forcat amerikane së shpejti do të largoheshin. Por në shtator administrata e tij njoftoi se, ata do të siguronin humbjen e qëndrueshme të Shtetit Islamik, largimin e forcave iraniane dhe të huaja dhe krijimin e një qeverie të pranueshme ndërkombëtarisht.
Humbësit e menjëhershëm janë kurdët e Sirisë, ëndrra e të cilëve për krijimin e një rajoni autonom në Siri duket e rrezikuar. Luftëtarët e tyre, Njësitë e Mbrojtjes së Popullit (YPG), kanë dëshmuar të jenë aleatët më të aftë në luftën e Amerikës kundër xhihadistëve.
Prania e Amerikës, nga ana tjetër, ndihmoi në mbrojtjen e YPG nga sulmi i Turqisë.
Njoftimi i tërheqjes së Trump erdhi pasi ai foli me presidentin e Turqisë, Rexhep Tajip Erdogan. Nëse Trump kishte frikë nga një përplasje mes trupave amerikanë dhe turq, është e paqartë. Prioriteti i Erdogan do të jetë largimi i luftëtarëve kurdë në kufirin e Turqisë. Kjo mund t’i japë xhihadistëve një mundësi për të dalë përsëri, siç bënë pas tërheqjes së Obamës nga Iraku në vitin 2011./konica.al
VAZHDO TË LEXOSH MË TEPËR PËR TEMËN
Tërheqja e trupave amerikane nga Siria, fitore për Iranin e Rusinë
Trump po heq dorë nga vendimi?
Kurdët të frikësuar nga turqit/ Kërkojnë ndihmë nga qeveria
