MENU

Nga New York Times

Trump më i dobët se kurrë…

07.01.2019 - 15:43

Një vështrim në rezultatet e zgjedhjeve afatmesme të vitit 2018 tregon pse Trump është kaq i dobët.

Tani që një Kongres i ri është në detyrë, votimi në zgjedhjet afatmesme të vitit 2018 është përfundimtar. Ai tregon se demokratët fituan, me një diferencë më të madhe, krahasuar me garën presidenciale që nga zgjedhjet e vitit 1984.

Në natën e zgjedhjeve, demokratët po përjetonin humbje zhgënjyese. Por përfundimi është i qartë: Ata ishin një shenjë paralajmëruese për Partinë Republikane, e njohur edhe si Partia e Trump.

Pa përmirësime të ndjeshme, Trump mund të jetë një humbës i madh në vitin 2020.

Mos harroni se zgjedhjet presidenciale kanë një pjesëmarrje më të lartë se ato afatmesme, dhe kjo mund t’i ndihmojë demokratët. Të paktën 10 milionë njerëz më shumë, dhe ndoshta shumë më tepër, kanë gjasa të votojnë në zgjedhjet e ardhshme presidenciale. Këto vota shtesë, do ta bënin rizgjedhjen e Trump edhe më të vështirë.

Dhe jo vetëm Trump. Nëse vlerësimi për të nuk do të rritet gjatë dy viteve të ardhshme, republikanët e Senatit do të jenë në telashe.

Nëse popullariteti i Trump do të binte, një grup tjetër senatorësh, nga Karolina e Veriut, Teksas dhe Gjeorgjia, tre shtete ku republikanët fituan me vështirësi në 2018, do të ishin në rrezik.

Unë mendoj që Trump meriton të largohet nga detyra, sepse ai ka shkelur ligjin federal dhe betimin e tij kushtetues, sepse ai është qartazi i papërshtatshëm për të qenë president dhe sepse është një rrezik për vendin.

Natyrisht, pavarësisht këtyre rreziqeve apo “mëkateve” të tij, ai do të mbetet në detyrë për aq kohë sa republikanët e Kongresit e duan atë atje. Dhe e di se shumë njerëz, nga gjithë spektri ideologjik, besojnë se qëndrimi i Trump me republikanët mbetet i sigurt.

Unë mendoj se ai është më i prekshëm sesa njerëzit mendojnë.

Së pari, ekzistojnë rreziqe politike që krijon qëndrimi i tij aktual për republikanët e tjerë.

Së dyti, Trump ka më shumë gjasa ta përkeqësojë sesa të përmirësojë situatën e vendit këtë vit.

Ekonomia nuk ka të ngjarë të ecë mirë. Dhe Trump me siguri do të kryejë ende gabime, si mbyllja e qeverisë.

Së treti, Trump nuk duket se do të ketë aq shumë mbështetje sa ka patur nga republikanët për Trump.

Trump tashmë është përballur me shumë kritika brenda partisë sesa shumica e presidentëve. Jim Mattis, Sekretari i Mbrojtjes, dha dorëheqjen dhe kritikoi Trump. Mitt Romney hyri në Senat duke u kthyer përsëri kundër Trump. Collins dhe Gardner kanë filluar të kundërshtojnë gjithashtu disa vendime.

Donald Trump ende ka shumë fuqi si president i Shteteve të Bashkuara. Por, për situatën në të të cilën  ndodhet Amerika, ai është shumë i dobët. Kundërshtarët e tij, që e kuptojnë dëmin që ai po bën në vend, janë gjithë energji.

David Leonhardt është ish-shef i Byrosë së Uashingtonit për Times, dhe ishte redaktor themelues i The Upshot dhe kreu i The 2020 Project, për të ardhmen e redaksisë Times. Ai fitoi çmimin Pulitzer 2011 për koment, për kolonat e krizës financiare.

VAZHDO TË LEXOSH MË TEPËR PËR TEMËN


Nga New York Times

Trump, komandanti i frikës…