Pavarësisht se marrëveshja e saj e negociuar me BE-në për largimin e Britanisë nga blloku, u rrëzua këtë muaj, kryeministrja britanike Theresa May ende është përgjegjëse për procesin e Brexit. Për të shmangur një skenar katastrofik “jo-marrëveshje”, liderët e bllokut duhet të vazhdojnë të punojnë me Maj.
Pas 31 muajsh bisedime mes Mbretërisë së Bashkuar dhe Bashkimit Europian mbi Brexit, e vërteta është se asnjëra palë nuk e di se çfarë dëshiron.
Ky realitet i trishtuar është më i dukshëm në rastin e Britanisë së Madhe, Partia Konservatore e së cilës ka qenë vazhdimisht në luftë me vetveten. Pas një sërë aksidentale strategjish dhe gabimesh taktike nga Kryeministrja Theresa May, Parlamenti hodhi poshtë marrëveshjen e saj. Kjo e bëri të qartë se May nuk ka mbështetje brenda partisë së saj.
Në të njëjtën kohë, shumica e deputetëve dhe votuesve britanikë kundërshtojnë largimin pa marrëveshje. Ky skenar mund të rezultojë me kosto ekonomike të menjëhershme dhe humbje të vendeve të punës.
Në një kohë kur Presidenti i SHBA, Donald Trump po e shpejton zhdukjen e rendit botëror të pasluftës, është sinqerisht mahnitëse që britanikët ende besojnë në fantazinë e një Britanie të Madhe të lulëzuar dhe të lirë tregtare.
BE është në një situatëkrejt ndryshe. BE ka kundërshtuar ashpër kërkesën e Britanisë për një shthurje të tregut të vetëm, si dhe çdo skenar që mund të rezultojë në kontrolle të reja doganore në tokën irlandeze.
Vërtetë, refuzimi i palëkundur i zgjidhjeve pasqyron frikën se një marrëveshje e favorshme për Mbretërinë e Bashkuar do të qetësojë orekset e qeverive të tjera anëtare të shteteve euroskeptike. Por kjo nuk justifikon dështimin për të krijuar një strategji për strukturimin e marrëdhënieve të ardhshme mes Mbretërisë së Bashkuar dhe BE.
Këtë javë, deputetët nga të dy Partitë Konservatore dhe Laburiste u përpoqën të ndërtojnë një aleancë, kundër Theresa Mayt. Përpjekjet e tyre dështuan dhe kryeministrja kërkoi të rihapte marrëveshjen.
Reagimi i menjëhershëm dhe legjitim i BE-së ishte refuzimi i rihapjes së negociatave të përfunduara në nëntor. BE duhet tani, të vendosë nëse do ta lejojë Mbretërinë e Bashkuar të zgjedhë ndërmjet marrëveshjes ekzistuese dhe Brexit pa marrëveshje, midis Brexit pa marrëveshje dhe një referendumi të dytë, ose midis Brexit pa marrëveshje dhe një marrëveshjeje të rishikuar.
Një partneritet midis Britanisë dhe BE do të ruante lidhjet e ngushta ekonomike, politike dhe të sigurisë që janë ndërtuar gjatë dekadave. Dhe BE do të jetë më mirë në gjendje të trajtojë sfidat e integrimit. Ndoshta në një dekadë ose dy, BE-ja dhe Britania e Madhe do të pësojnë reforma gjithëpërfshirëse. Brexit duhet të menaxhohet në një mënyrë që e bën të mundur një të ardhme të tillë.
VAZHDO TË LEXOSH MË TEPËR PËR TEMËN
A do të dorëhiqet Theresa May pas Brexit?
“Tronditet” Britania/ Brexit mund të anulohet?
