Edhe Champions League mbrëmë ka mbajtur një minutë heshtje për nder të Emiliano Sala, që humbi jetën gjatë një aksidenti tragjik me avion, teksa po fluturonte nga Nantes drejt Cardiff-it.
Duke qenë se të gjitha procedurat tashmë janë mbyllur, ditën e nesërme pritet që Sala të bëjë fluturimin e tij të fundit në këtë botë, pasi trupi i tij do të dërgohet në Argjentinë.
Duke qenë se Argjentina është vendlindja e tij, familjarët kanë shprehur dëshirën ta kenë në Argjentinë trupin e Salës, megjithëse duhet një kosto e madhe për riatdhesimin e trupit.
Plot 6 orë do të zgjasë fluturimi nga Anglia në drejtim të Argjentinës dhe presidenti i Cardiff-it, në shenjë respekti për figurën e Sala-s, ka vendosur që të paguajë të gjitha shpenzimet e riatdhesimit.
Sala do të qëndrojë për disa orë në një palestër të San Martin, skuadra e tij e fëmijërisë, ku do të ketë edhe homazhe nga të gjithë ata që duan t’i japin lamtumirën e fundit.
VAZHDO TË LEXOSH MË TEPËR PËR TEMËN
Foto prekëse, qeni pret të kthehet Sala
“Sala na thoshte mua e Canës: Vamos Albania!”
