Ajax bëri mrekullinë në “Bernabeu” të martën, duke eliminuar kampionët në fuqi të Real Madrid, që kishin fituar 3 herë radhazi Champions League.
Menjëherë nisën krahasimet për ekipin holandez, duke sjellë në vëmendje vitet 70’, kur Ajax bënte ligjin në Europë. Kujtojmë vitin 1973.
Nis grumbullimi i Ajax, që fitonte Kupën e Kampionëve prej tri vitesh radhazi. Po flasim për një ndër skuadrat më të bukura që janë parë ndonjëherë në historinë e futbollit.
Ai që quajmë “futboll total”. Të gjithë mbrojmë, të gjithë sulmojmë. Duheshin këmbë, por sidomos tru…Dhe natyrisht mes tyre ishte edhe Johan Cruijff.
I rritur mes vështirësive, pasi e dëbuan nga shërbimi ushtarak për difekt në këmbët e tij, u detyrua të linte gjithçka vetëm për të ndjekur pasionin për futbollin, pas vdeskjes së të atit. I vogli Johan arriti të çante me talent, pasion dhe sidomos kreativitet.
Asnjë ekip nuk kishte sjellë revolucion në futbollin pas lufte ashtu si bënë “shigjetarët” dhe sidomos kombëtarja e Holandës. Le të kthehemi në atë ditë, kur erdhi momenti që të votohej kapiteni.
Ajax, në filozofinë dhe rregulloren e klubit, voton për kapitenin çdo vit: motivi që 3 Kupat e Kampionëve janë ngritur nga tri kapitenë të ndryshëm. Duket sikur nuk ka dyshime: i fundit që e ka ngritur trofeun është Cruijff, një nga pesë futbollistët më të mëdhenj të historisë.
Por, ndodh befasia: votohet kundër tij! Profeti i golit vrapon në dhomën e tij dhe i telefonon kunatit të tij, që si një holandez i mirë, di të negociojë me futbollistë. “Do të çoj te Barcelona, bëj gati rrobat!” – është përgjigja.
Në 15 minuta prishet një nga makinat më të mëdha të historisë së futbollit. Sepse, nga ai moment, do të arratisen të gjithë kampionët dhe yjet e Ajaxit.
“Profeti” vazhdon të fitojë dhe nuk ndalet, në Amsterdam një “vello e zezë” mbulon futbollin. Asgjë nuk do ishte si më parë më si më parë…
VAZHDO TË LEXOSH MË TEPËR PËR TEMËN
“Droga? Jo drejtësi me të kaluarën time”
10 kapitenët legjendarë të futbollit
11 yjet e futbollit që nuk fituan Champions
