MENU
klinika

NBA

Lakers bien sërish, LeBron jashtë play-off

10.03.2019 - 12:36

Kur pritej kthesa e madhe, Los Angelos Lakers ka pësuar humbjen e pestë radhazi, e fundit sot në shtëpi 107-120 nga Boston dhe tashmë kalifornianët e shohin vetën totalisht jashtë play-off.

Pas një pjese të parë të ekuilibruar në të dytën erdhi shkëputja e Boston, ku u dallua Irving me 30 pikë (6 lojtarë të Celtics realizuan mbi 10 pikë).

Për Lakers shkëlqeu i zakonshmi LeBron James, që realizoi një “triple double”, 30 pikë 10 rebound e 12 asist, por që s’mjaftuan për të evituar humbjen.

Lakers ndodhen në vendin e 11-të, shumë larg 8 skuadrave të para që shkojnë në play off. Tashmë vetëm mrekullia mund ta fuste Lakers në zonën play-off.

Pa probleme fiton skuadra e Milwaukee, që mundi 131-114 Charlotte, ndeshje që u vendos në periodën e katërt në favor të skuadrës vendase.

konica sportkonica sport mobile

Antetokounmpo realizoi 26 pikë, mbështetur edhe nga Lopez me 25, një dyshe që bëri diferencën për Bucks.

Fiton edhe Portland, që mposhti 120-107 Phoenix, ndeshje e dominuar nga basketbollistët vendës, ku më i miri në parket ishet McCollum me 26 pikë (65 pikë erdhën nga lojtarët e stolit).

Në ndeshjet e tjera të luajtura sot, Sacramento triumfoi 102-94 në fushën e New York, sfidë ku miqtë dominuan në minutat e fundit dhe triumfuan falë Fox, që realizoi 30 pikë.

Koha shtesë nderon skuadrën e Minnesota, që mundi 135-130 Washington, sfidë me emocione dhe rivalitet. Towns ishte shënuesi më i mirë, me 40 pikë e 16 rebound për vendasit.