Trajneri i Kombëtares shqiptare, Christian Panucci, mund të lërë Shqipërinë një javë para kësaj ndeshjeje për t’u ulur në stolin e Romës.
Pas humbjes 3-0 në derbin me Lazion, trajneri i Romës, Eusebio Di Francesco, është në fije të perit dhe fatin e tij e vendos ndeshje e Champions-it me Porton. Gjithsesi, që tani drejtuesit e Romës po mendojnë për zëvendësuesin e tij.
Të mërkurën e ardhshme luhet ndeshja e kthimit në Champions me Porton në Portugali dhe në rast eliminimi do të jetë i menjëhershëm shkarkimi i Di Francescos.
Dhe kandidat potencial për t’u ulur në stolin e Romës është pikërisht Panucci. Paulo Sousa, ish-trajneri i Fiorentinës, tashmë duket larg. Drejtuesit e klubit roman janë fokusuar te trajneri i Shqipërisë, sipas shtypit italian.
Në lajmet e fundit të shtypit italian për çështjen e trajnerit të Romës saktësohet se kontrata e Panuccit me Shqipërinë skadon në nëntor të këtij viti, por ai mund ta zgjidhë me marrëveshje me FSHF-në, pasi ka një raport të mirë me drejtuesit e saj.
Panucci është duke pritur shansin e artë, por kjo do të thotë se nëse Roma eliminohet nga Champions, ai do të lërë Shqipërinë një javë para ndeshjes me Turqinë.
VAZHDO TË LEXOSH MË TEPËR PËR TEMËN
Christian Panucci fiton gjyqin në Itali
Gjobë për trajnerin Christian Panucci
