“Shqipëria ka shpenzime të fokusuara tek investimet në kryeqytet dhe koncesionet me Partneritet Publik Privat (PPP)”, kështu bëhet me dije në raportin e Bankës Botërore.
Sipas këtij raporti, teksa rajoni ka shpenzime buxhetore të fokusuara te pagat, pensionet dhe ndihma ekonomike, me Shqipërinë ndodh krejt e kundërta.
Shpenzimet buxhetore në vendin tonë prioritet kanë kryeqytetin dhe financimin e PPP-ve.
Por a ka rrezikshmëri kjo gjë?
Sipas Bankës Botërore, PPP-të mund të rrisin efikasitetin e investimeve, por bartin rreziqe fiskale që duhet të menaxhohen.
Çfarë rrezikohet me PPP?
-Bartin rreziqe fiskale
-Krijojnë hapsira korrupsioni
-Garantojnë të ardhura për privatët dhe rrisin rreziqet për arkën e shtetit
-Rrisin borxhin në periudhë afatmesme
Borxhi publik në Shqipëri:
-Sipas BB-së borxhi publik në Shqipëri vijon të mbetet i lartë.
Çfarë sugjeron Banka Boëtrore:
-Të përmirësohet efikasiteti dhe barazia e shpenzimeve publike
-Të rritet eficenca e grumbullimit të të ardhurave
-Të krijohen kontigjenca për përballimin e rreziqeve fiskale
-Të përmirësohen shërbimet publike
Shpenzimet buxhetore për Rajonin:
-Në Bosnje dhe Hercegovinë dhe Kosovë rritja e shpenzimeve në vitin 2018 shkoi kryesisht për rritje të pensioneve dhe pagave.
-Në Maqedoni shpenzimet e përgjithshme u ulën për shkak të investimeve më të ulëta publike, teksa shpenzimet për përfitimet sociale vazhduan të rriten në 2018.
-Mali i zi vijoi të ketë shpenzime më të larta kapitale për shkak të angazhimit për të ndërtuar autostradën me Serbinë.
VAZHDO TË LEXOSH MË TEPËR PËR TEMËN
Banka Botërore vlerëson eurobondin
Banka e Shqipërisë, konferencë për shpëtimin e bankave
