I ftuar në emisionin Click Plus në Tv21, kryeministri i Maqedonisë së Veriut Zoran Zaeve tha se nuk u ka asnjë borxh shqiptarëve.
Ai theksoi se ka si detyrim vetëm ti trajtojë të gjithë njësoj me qytetarët maqedonas.
Ai ka theksuar se është politikani më popullor tek shqiptarët dhe komunitetet e tjera dhe se kjo dëshmohet në të gjitha anketat.
Zaev tha se krenohet me këtë dhe se e thotë hapur, sepse vazhdon rrugëtimin për një shoqëri të barabartë për të gjithë.
Kryeministri maqedonas foli edhe për zgjedhjet presidenciale, duke u shprehur se kandidati i tyre për president, Stevo Pendarovski, përfaqëson të gjithë qytetarët, pa dallime etnike.
Sipas tij, opsioni i tyre është opsioni i së ardhmes së vendit, duke qenë pjesë e NATO dhe BE-së.
“Nuk ju kam asnjë borxh shqiptarëve, pse tu kem borxh. U kam borxh vetëm të vazhdoj me politikën e ndershme të gjithë qytetarëve, pa dallime etnike “, tha Zaev.
VAZHDO TË LEXOSH MË TEPËR PËR TEMËN
‘Zaev ka marrë vota nga shqiptarët, duhet t’u përgjigjet kërkesave’
“Maqedonia e Veriut”, lëvizjet që do të bëjë tani Athina dhe Shkupi
