MENU

Nga The Guardian

Britanikët gjithë pikëpyetje për Boris Johnson

24.06.2019 - 16:11

Kush e beson Boris Johnson? Me sa duket, edhe ekipi i tij jo. Debatet televizive në të cilat ai ka rënë dakord që do të shfaqet do të mbahen vetëm pasi anëtarët të kenë marrë fletët e votimit.

Ndoshta Johnson do të formulojë përgjigje së shpejti. Por ai ishte i paqartë, kur vazhdimisht u pyet për arsyet pse policia u thirr në orët e hershme të premten në banesën që ai ndan me partnerin e tij Carrie Symonds.

Ndryshe nga disa nga komentet e kësaj fundjave, ajo që ndodh prapa dyerve të mbyllura nuk duhet të qëndrojë gjithmonë atje. Kur policia thotë se për një vepër apo shqetësim nuk nevojiten veprime të mëtejshme, çështja në rrethana normale do të përfundojë atje. Por për një njeri që garon për kryeministër nuk është një rrethanë normale.

Një përgjigje, nga ish-redaktori i tij Max Hastings, është se “Nuk jam i sigurt se ai është i aftë të kujdeset për ndonjë qenie njerëzore tjetër përveç vetvetesSi kryetar bashkie, ai ishte i pakujdesshëm me paratë publike,. Si sekretar i jashtëm, ai ishte i pakujdesshëm me fatin e Nazanin Zaghari-Ratcliffe. Përsëri dhe përsëri si gazetar, ai ishte dhe duket krejtësisht i pakujdesshëm për të vërtetën, duke u shfaqur vetëm për çdo gjë që mbronte perspektivat e tij.

Anëtarët e Partisë Konservatore, dhe përgjithësisht votuesit, mund të kenë çmuar karakterin e tij.

Gabimet e mëparshme janë falur. Ajo që disave ju zbavitëse për një deputet ose kryetar bashkie, dhe të tolerueshme për një sekretar të jashtëm, mund të duket më pak qesharake për një kryeministër të mundshëm.

Suksesi politik i  Johnson është mbështetur në aftësitë personale dhe thjeshtësinë, dhe së fundmi besueshmërinë lidhur me Brexit.

Anëtarësimi në Partinë Konservatore do të vendosë nëse Johnson arrin në Downing Street. Publiku, të cilit i është mohuar e drejta për të zgjedhur udhëheqësin, të paktën ka të drejtë të dijë se kush i është imponuar. Shqyrtimi nuk është vetëm i përshtatshëm. Është i nevojshëm.

VAZHDO TË LEXOSH MË TEPËR PËR TEMËN


Kryeministri i mundshëm britanik

Boris Johnson, lidhje me ish-aleatin e Trumpit?