E ftuar në emisionin “Kjo Javë”, Kryemadhi tha se ka vuajtur nga kanceri në qafën e mitrës dhe se kishte pesë vite që përpiqej ta mbante në kontroll sëmundjen. Kryetarja e LSI-së, i bëri thirrje edhe vajzave që të bëjnë vaksinën kundër këtij kanceri.
“Tani ndjehem shumë mirë, por i bëj thirrje vajzave të reja, që edhe pse sot nuk janë në mundësitë, por duhet të bëjnë vaksinat për kancerin e qafës së mitrës.
Kalova një proces të vështirë shëndetësorë. Kisha 5 vite që e mbaja nën vëzhgim. Kalova një proces shumë të vështirë, por gjithçka shkoi mirë falë edhe mjekëve që ishin të jashtëzakonshëm.
Më kërkuan të bëja një ndërhyrja emergjente pasi ishte e pamundur të mbahej më nën kontroll dhe mund të kishte komplikime.
E bëra jashtë vendit, në një shtet të BE-së sa 1/3 e çmimit në Shqipëri dhe garanci më të madhe.
Më vjen zor ta them pasi unë i respektoj shumë mjekët shqiptarë, por e bëra në një spital shëndetësor dhe nuk kam paguar më shumë se 6500 euro, kur në Shqipëri kushtonte 20 mijë euro”, ka thënë Kryemadhi.
VAZHDO TË LEXOSH MË TEPËR PËR TEMËN
“Asnjë hap pas”/ Kryemadhi veçon dy momente nga protesta
