Pas kërkesës së kryeministrit Rama ka nisur dorëheqja e drejtorëve kryesorë në Shkodër.
Mësohet se dorëheqjen kanë dhënë kreu i Shëndetit Publik në Shkodër Astrit Beci, kreu i Zyreës vendore të Arsimit në Shkodër dhe kreu i Zonave të Mbrojtura në Shkodër.
Gjithashtu ka dhënë dorëheqjen edhe drejtori i Postës në Shkodër, Edmond Emini.
Rama kërkoi dje gjatë mbledhjes së Kryesisë së Partisë Socialiste, dorëheqjen e të gjithë drejtorëve burra nga Bashkia e Shkodrës. Shkak sipas Ramës ishte performanca e tyre e dobët, sidomos në marrëdhëniet me qytetarët.
Drejtorët e dorëhequr deri më tani janë:
Kadri Ymeri, drejtori i DAR
Ardian Dajti, Drejtor i Spitalit Shkodër
Mustafa Kraja, drejtor i Bujqësisë
Luan Heta, drejtor i HEC në Vaun e Dejes
Agim Dardha, drejtor i Administratës së Zonave të Mbrojtura
Astrit Beci, drejtor i Shëndetit Publik
Edmond Emini, drejtor i Postës Shkodër
Priten edhe dorëheqje të tjera, pasi janë plot 33 drejtori në Shkodër. Kryetarja e Këshillit Bashkiak të Shkodrës, Briseda Kadia paralajmëroi dje zëvendësimin e drejtorëve burra të shkarkuar me gra.
VAZHDO TË LEXOSH MË TEPËR PËR TEMËN
‘Plasin’ arrestimet në spitalin e Shkodrës
“Bajri”/ Ministri belg: ska marrëveshje për ekstradim
