Përfundon afati i regjistrimit për zgjedhjet e 6 tetorit në Kosovë.
Komisioni Qendror të Zgjedhjeve në Kosovë ka njoftuar së është mbyllur afati ligjor për dorëzimin e kërkesave dhe listave të kandidatëve të partive politike.
Raportohet se për pjesëmarrje në zgjedhje janë regjistruar 25 parti.
“KQZ njofton se është përmbyllur afati për dorëzimin e listës së deputetëve për certifikim në zgjedhjet e 6 tetorit. Brenda afatit kohor kanë dorëzuar gjithsej 25 subjekte politike, 20 parti politike, 4 koalicione dhe 1 i pavarur. Nga sot, e shtunë, fillon faza e shqyrtimit të të gjitha aplikimeve. Më pas, Zyra për Regjistrim të partive politike paraqet pranë KQZ-së rekomandimet lidhur me aplikimet dhe KQZ-ja do të vendosë për aprovimin apo refuzimin e certifikimit. Vendimmarrja lidhur me certifikimin do të bëhet deri më 10 shtator”, tha për mediat zëdhënësi i KQZ Valmir Elezi.
Kujtojmë se deri më tani vetëm disa parti kanë publikuar listën e kandidatëve të deputetëve, ndërsa pjesa tjetër pritet t’i zbulojë në ditët në vijim.
VAZHDO TË LEXOSH MË TEPËR PËR TEMËN
‘Zgjedhjet e parakohshme nuk janë interes i Kosovës’
‘Qytetarëve të Kosovës t’u jepet liberalizimi i vizave’
‘Thaçi dhe Vuçiç kanë gjetur zgjidhjen e gabuar’
