Danci Modern dhe Kontemporan, nis sot rrugëtimin, në edicionin e 14-të. Festivali ndërkombëtar çel siparin, sipas traditës, mbrëmjen e sotme në teatrin “Aleksandër Moisiu”, në Durrës.
Sikur u shpreh për mediet, drejtori artistik, Gjergj Prevazi “tashmë, përveç qytetit ku ky festival ka pikënisjen, shfaqjet e tij kanë një hartë shumë më të gjerë edhe të tjera qytete të vendit, deri në Kosovë”. Sipas Prevazit, ky edicion do të sjellë plot 13 shfaqje, këto në skenat e qyteteve si Durrësi, Tirana, Korça, Shkodra, përfshirë edhe teatri “Dodona”, në Prishtinë.
Përveç trupave nga Shqipëria, në edicionin e 14-të të festivalit do të performojnë edhe ansamble të dancit modern dhe kontemporan nga Italia, Hungaria, Austria dhe Franca. Mbrëmja e sotme, nis me shfaqjen “I always have a handkerchief in my pocket”, nga trupa e kompanisë së dancit shqiptar, për të përfunduar më 19 nëntor, me shfaqjen “Unknown”.
Skena shqiptare është pasuruar me zhanrin e ri të Dance Theatër dhe artistët tanë, po fitojnë një përvojë gjithnjë e më të madhe në këtë drejtim – ka theksuar, Prevazi.
Festivali i Dancit, që organizohet nga shoqata “Bukuroshja e Durrësit”, ka nisur në vitin 2006 dhe në skenat e teatrove të ndryshme janë përballur artistikisht, trupa dhe kompani të teatrit alternativ nga Kosova, Maqedonia, Suedia, SHBA, Franca, Hollanda, Turqia, Italia, Kanadaja, Kroacia, Shqipëria, Izraeli, Hungaria, Sllovenia, Zvicra, Austria, etj.
VAZHDO TË LEXOSH MË TEPËR PËR TEMËN
‘’Delegacioni’’, filmi që nis rrugëtimin ndërkombëtar
‘Streha mes reve’, një film që kalon kufijtë
“Dogfall” nën regjinë e Stefan Çapalikut
