Filmi me metrazh të gjatë, prodhim i shtëpisë filmike FilmKS me regjisor Mark Norfolk dhe aktorë të mirënjohur kosovarë, “Un’ati” -“I, Father” është shpërblyer me çmimin “Filmi më i mirë eksperimental” -“Best Experimental Film” në World Film Fair, në Los Angeles.
World Film Fair, që u mbajt nga 11-16 nëntor, në Santa Monica në afërsi të Hollywood-it është manifestim që bën bashkë, me mijëra autorë filmash, artistë dhe distributorë nga e gjithë bota.
“Un’ati”-“I, Father” (2018) është film me metrazh të gjatë, adaptim i veprës së njohur të Shekspirit “Hamleti”.
Filmi është prodhim i pavarur i shtëpisë filmike FilmaKS në bashkëpunim me “Prusia Lane Production”. Në rolet kryesore, në film luajnë aktorët: Makfire Miftari, Besim Ajeti, Alban Goranci, Florentina Ademi Beck, Ekrem Sopi, Alban Shahiqi dhe Anzotika Ajeti.
VAZHDO TË LEXOSH MË TEPËR PËR TEMËN
‘Streha mes reve’, një film që kalon kufijtë
‘’Gardhi’’ garon për OSCAR
‘’Delegacioni’’, filmi që nis rrugëtimin ndërkombëtar
