Është bërë temë në Serie B dhe tani kërkon largimin nga klubi. Ledian Memushajt nuk i kanë pëlqyer deklaratat publike të trajnerit Luciano Zauri.
Kapiteni i Pescara-s u la jashtë grumbullimit në ndeshjen e fundit dhe skuadra barazoi pa gola me Chievon, duke komplikuar edhe më shumë situatën në renditjen e Serie B.
Por trajneri insistoi se përjashtimi i Memushajt në këtë ndeshje ishte bërë për të mbrojtur futbollistin, gjë që nuk i ka pëlqyer mesfushorit të përfaqësueses shqiptare.
Sipas mediave italiane, Memushaj është vënë menjëherë në lëvizje dhe dje i ka komunikuar klubit zyrtarisht nëpërmjet menaxherit se dëshiron të largohet në janar.
Memushaj e ka cilësuar si nënvlerësim atë që i është bërë, duke llogaritur se ka qenë gjithmonë një nga ata që ka dhënë maksimumin për këtë ekip, edhe në momentet më të vështira.