Tetë fitore radhazi sollën sërish besimin te Lazio se mund të bëjnë gjëra të mëdha. Skuadra i është afruar kreut dhe po përmendet si kandidate për titullin kampion në Itali.
Një entuziazëm i përligjur edhe nga Igli Tare, por që kërkon që të ruhet qetësia, pasi gara është ende e gjatë…
“1 muaj e gjysmë përpara ishim të gjithë dështakë dhe duhet të iknim në shtëpi, por ishim të vetëdijshëm për focën tonë. Na duhej pak kohë dhe ndeshja e kthesës. Mua më pëlqen të jem entuziast dhe të përmend fjalën titull kampion, por duhet të jemi me këmbë në tokë” – u shpreh Tare.
Sfida tjetër është finalja e Superkupës së Italisë, të dielën me Juventusin në Arabinë Saudite dhe duket se Igli Tare e kërkon këtë trofe, kur thotë:
“Nuk duhet të ndalojmë dhe të fitojmë ndeshjen me juventus të dielën në finalen e superkupës, pasi mund të luajmë si të barabartë me këtë kundërshtar.”
Igli Tare ka ndërtuar një ekip të denjë dhe për këtë është bërë pjesë e kandidatëve për titullin drejtori sportiv i vitit në Globe Soccer Ëords për vitin 2019.
VAZHDO TË LEXOSH MË TEPËR PËR TEMËN
Igli Tare fiton më shumë se kur ishte lojtar
