Real Madrid ka mposhtur Atletico Madrid sërish në një finale me penallti. Los Blancos fitojnë Superkupën e Spanjës, kur koha e rregullt dhe shtesa përfunduan 0-0.
Ndeshja ishte shumë e luftuar, me plot raste për 120 minuta lojë. Felix ka pasur një rast të pastër në 90 minutat e rregullta, por portugezi ka shpërdoruar.
Real Madrid ka dominuar, por Oblak ishte në një ditë shumë të mirë dhe ka shpëtuar Atletico në të paktën 4 raste të pastra. Por meritë në fundin (shtesë) e ndeshjes kishte edhe portieri Courtois.
Pesë minuta para mbylljes së 120 minutave lojë, Morata po vraponte i vetëm drejt portierit, por Valverde e ndëshkon me vetëdije dhe largohet me të kuq.
Si përfundim, për fituesin u deshën penalltitë. Saul humbi penalltinë e parë, goditi shtyllën. Courtois pret të dytën. Madrilenët u treguan të saktë në 4 penalltitë dhe fituan 4-1. Zidane i ka fituar 9 finalet si trajner, pa humbur asnje.
VAZHDO TË LEXOSH MË TEPËR PËR TEMËN
Tre supergola, Real Madrid në finale të Superkupës
